പാർലമെന്റിലെ സുരക്ഷാവീഴ്ചയിൽ അന്വേഷണം പ്രഖ്യാപിച്ച് ആഭ്യന്തരമന്ത്രാലയം

ലോക്സഭയിൽ ബുധനാഴ്ച ഉച്ചയോടെയുണ്ടായ സുരക്ഷാവീഴ്ചയിൽ അന്വേഷണം പ്രഖ്യാപിച്ച് ആഭ്യന്തരമന്ത്രാലയം. സിആർപിഎഫ് മേധാവിയാണ് അന്വേഷണസംഘത്തിന്റെ തലവൻ. ലോക്സഭയുടെ സന്ദർശക​ഗാലറിയിൽ കയറിയ രണ്ടുപേർ എംപിമാർ ഇരിക്കുന്ന ഇടത്തേക്ക് ചാടുകയും കളർ സ്പ്രേ അടിച്ചു പ്രതിഷേധിക്കുകയുമായിരുന്നു. പാർലമെന്റിനു പുറത്തും നാലുപേർ പ്രതിഷേധിക്കുകയുണ്ടായി. ഇതിൽ അഞ്ചുപേരെ പൊലീസ് അറസ്റ്റ് ചെയ്തിട്ടുണ്ട്. പാർലമെന്റാക്രമണത്തിന്റെ 22ാം വാർഷിക ദിനത്തിലായിരുന്നു ഇന്നത്തെ സംഭവം. സാ​ഗർ ശർമ, ഡി മനോരഞ്ജൻ എന്നിവരാണ് ലോക്സഭയ്ക്കുള്ളിൽ മഞ്ഞപ്പുക ഉയർത്തിയത്. നീലം ദേവി, അമോൽ ഷിൻഡേ, എന്നിവർ പാർലമെന്റിനു പുറത്ത് ചുവപ്പും മഞ്ഞയും പുക ഉയർത്തി. ഇവരെ നാലുപേരെയും ​ഗൂഢാലോചനയിൽ പങ്കെടുത്ത ലളിത് ഝാ എന്നിവരെയാണ് ഇതുവരെ അറസ്റ്റ് ചെയ്തത്. അഞ്ചാമനായ വിക്കി ശർമയെ പിടികൂടാനുള്ള ശ്രമം തുടരുകയാണ്.
ബിജെപി എംപി പ്രതാപ് സിൻ​ഹയുടെ ഓഫിസിൽ നിന്ന് അനുവദിച്ച സന്ദർശക പാസുമായാണ് സാ​ഗർ ശർമയും മനോരഞ്ജനും ലോക്സഭയിലെത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

News Tag Live യുട്യൂബ് ചാനല്‍ Subscribe ചെയ്യുക