26
May 2025
Thu
 |
|
തിരുവനതന്തപുരം: കേരളത്തില് ഇന്നലെ വൈകിട്ടും രാത്രിയും പുലര്ച്ചെയുമായി ശക്തമായ മഴയാണ് രേഖപ്പെടുത്തിയത്. ഇതോടൊപ്പം ഇടിമിന്നലും ഉണ്ടായി. പലയിടത്തും നാശനഷ്ടങ്ങളും റിപ്പോര്ട്ട്ചെയ്തു. ഇന്നും സമാനസാഹചര്യമായിരിക്കുമെന്ന് കാലാവസ്ഥാവകുപ്പ് മുന്നറിയിപ്പ് നല്കി. ഇതുപ്രകാരം ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. പാലക്കാട്, മലപ്പുറം, വയനാട് ജില്ലകളിലാണ് യെല്ലോ മുന്നറിയിപ്പുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുമെന്നാണ് കാലാവസ്ഥാവകുപ്പിന്റെ മുന്നറിയിപ്പില് പറയുന്നത്.
കേരളത്തില് പല ഇടങ്ങളിലായി ഒറ്റപ്പെട്ടയിടങ്ങളില് ഇടിമിന്നലോടുകൂടിയ മഴയ്ക്കും മണിക്കൂറില് 40 മുതല് 50 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് അറിയിച്ചത്.
തെക്കന് തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 45 മുതല് 50 കിലോ മീറ്റര് വരെയും ചില അവസരങ്ങളില് 55 കിലോമീറ്റര് വരെയും ശക്തമായ കാറ്റിനും സാധ്യത കാണുന്നു. വടക്കന് ആന്ധ്രാപ്രദേശ് തീരത്ത് മണിക്കൂറില് 35 മുതല് 45 കിലോ മീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതായും മുന്നറിയിപ്പില് പറയുന്നു.
Latest News
More Stories
All Rights Reserved © 2022