കൻവാർ യാത്ര: ഇത് ഹിന്ദുക്കളുടെ ഷോപ്പ്, ഇവിടെ മാംസാഹാരം വിൽക്കില്ല; കടകളുടെ ചുവരുകളിൽ വിഎച്ച്പി സ്റ്റിക്കറുകൾ ഒട്ടിക്കാൻ തുടങ്ങി

ന്യൂഡൽഹി: ഇത് ഹിന്ദുക്കളുടെ ഷോപ്പ്, ഇവിടെ മാംസാഹാരം വിൽക്കില്ല എന്ന് അറിയിച്ചു നഗരത്തിലെ റോഡരികിലുള്ള റസ്റ്റോറന്റുകൾ, ഭക്ഷണശാലകൾ, പലചരക്ക് കടകൾ എന്നിവയുടെ ചുവരുകളിൽ വിഎച്ച്പി സ്റ്റിക്കറുകൾ ഒട്ടിക്കാൻ തുടങ്ങി. കൻവാർ യാത്രയ്ക്കുള്ള ഒരുക്കങ്ങൾ നിയന്ത്രിക്കുന്ന എംഎൽഎമാരുടെ  പാനലിന് നേതൃത്വം നൽകുന്ന ബിജെപി നേതാവായ ടൂറിസം മന്ത്രി കപിൽ മിശ്ര, അത്തരം റോഡുകളിലെ മാംസക്കടകൾ അടച്ചിടുമെന്ന് പറഞ്ഞതിന് ദിവസങ്ങൾക്ക് ശേഷമാണ് വിഎച്പി നടപടി. എന്നാൽ അത്തരമൊരു ഉത്തരവ് പുറപ്പെടുവിക്കാൻ തങ്ങൾക്ക് അധികാരമില്ലെന്ന് എംസിഡി പറഞ്ഞു. കാവി സ്റ്റിക്കറുകളുടെ മുകളിൽ ‘ഗർവ് സേ കഹോ ഹം ഹിന്ദു ഹേ’ എന്നും അതിനു താഴെ ‘സനാതനി വ്യാപാരിക് സൻസ്ഥാൻ’ എന്നും എഴുതിയിട്ടുണ്ട്. ഡൽഹിയിലെ എല്ലാ ജില്ലകളിലും 5,000 കടകളിൽ സ്റ്റിക്കറുകൾ ഒട്ടിക്കുന്നതിനായി ടീമുകൾ രൂപീകരിച്ചിട്ടുണ്ടെന്ന് വിഎച്ച്പി സംസ്ഥാന ജനറൽ സെക്രട്ടറി സുരേന്ദ്ര ഗുപ്ത പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സ്റ്റിക്കറുകൾ പ്രദർശിപ്പിക്കേണ്ടത് കടയുടമകളുടെ ഉത്തരവാദിത്തമാണെന്ന് അദ്ദേഹം പറഞ്ഞു. ന്യൂനപക്ഷ സമുദായങ്ങളിലെ അംഗങ്ങൾ നടത്തുന്ന കടകൾ ഒഴിവാക്കപ്പെട്ടതായി ഹിന്ദുത്വ വാദികൾ  പറഞ്ഞു. ശിവഭക്തർ വളരെ “ശ്രദ്ധാപൂർവ്വവും ഭക്തിപരവുമായ” തീർത്ഥാടനമാണ് നടത്തുന്നതെന്നും അത് “കേടാകാതിരിക്കാൻ” അവർക്ക് ശരിയായ സൗകര്യങ്ങൾ നൽകണമെന്നും ഗുപ്ത പറഞ്ഞു. “ഭക്തർ അവരുടെ യാത്രയിൽ വെള്ളപ്പാത്രങ്ങൾ പോലും നിലത്ത് വയ്ക്കാറില്ല. ഈ കടകളിൽ ഏതെങ്കിലുമൊന്നിൽ നിന്ന് അവർ കഴിക്കാൻ എന്തെങ്കിലും വാങ്ങുകയാണെങ്കിൽ, അത് സനാതന ധർമ്മത്തിന്റെ പരമ്പരാഗത മൂല്യങ്ങൾക്കനുസൃതമാണെന്ന് അവർ ഉറപ്പാക്കണം- അദ്ദേഹം പറഞ്ഞു,

പരമ്പരാഗത സനാതനി മൂല്യങ്ങൾ പാലിക്കുന്നുണ്ടെന്ന് ഉറപ്പാക്കാൻ സ്ഥാപനങ്ങളിൽ വിൽക്കുന്ന ഭക്ഷണ സാധനങ്ങൾ സംഘങ്ങൾ പരിശോധിച്ച് കടകളിൽ സ്റ്റിക്കറുകൾ ഒട്ടിക്കുന്നുണ്ടെന്ന് ഗുപ്ത പറഞ്ഞു. ‘സനാതനി’ കട എന്ന സ്റ്റിക്കറുകൾ ഉള്ള കടകളിൽ നിന്ന് മാത്രം ഭക്ഷണ സാധനങ്ങൾ വാങ്ങാൻ കൻവാർ യാത്രികരിൽ അവബോധം സൃഷ്ടിക്കുമെന്നും അദ്ദേഹം കൂട്ടിച്ചേർത്തു. ഗംഗാ ജലം ശേഖരിക്കാൻ ധാരാളം ഭക്തർ പുണ്യനഗരമായ ഹരിദ്വാറിൽ എത്തിയതോടെയാണ് വെള്ളിയാഴ്ച കൻവാർ യാത്ര ആരംഭിച്ചത്. മറ്റ് സംസ്ഥാനങ്ങളിലേക്ക് പോകുന്നവർ അടുത്ത കുറച്ച് ദിവസങ്ങളിൽ ഡൽഹിയിൽ എത്തിത്തുടങ്ങും. ജൂലൈ 23 ന് ജലം അർപ്പിച്ചുകൊണ്ട് യാത്ര അവസാനിക്കുന്നതിന് 3-4 ദിവസം മുമ്പ് ഭൂരിഭാഗം ഭക്തരും തലസ്ഥാനത്ത് എത്തുമെന്ന് പ്രതീക്ഷിക്കുന്നു.

Kanwar Yatra: ‘Sanatani’ stickers on Delhi shops; VHP certifies vegetarian-only outlets