അനുജന് വേണ്ടി സിഐഎസ്എഫ് എഴുത്തുപരീക്ഷയെഴുതി പാസായി; ശാരീരികക്ഷമതാ പരിശോധനയ്ക്കിടെ പിടിവീണ് സഹോദരൻ ജയിലിലായി

ഭോപാൽ: അനുജന് വേണ്ടി ആൾമാറാട്ടം നടത്തിയ സഹോദരൻ സിഐഎസ്എഫ് കോൺ​സ്റ്റബിൾ റിക്രൂട്ട്മെന്റ് ശാരീരിക ക്ഷമതാ പരിശോധനയ്ക്കിടെ പിടിയിലായി. എഴുത്തുപരീക്ഷയിൽ യോ​ഗ്യതനേടിയ ശേഷം അനുജന്റെ രേഖകളുമായി ഡൽഹിയിൽ നിന്ന് വ്യോമമാർ​ഗം ഭോപാലിൽ ശാരീരികക്ഷമാ പരിശോധനയ്ക്കെത്തിയപ്പോഴാണ് സത്യേന്ദ്രപാൽ സിങ് ​ഗുർജാർ എന്ന യുവാവ് പിടിയിലായത്. ചോദ്യംചെയ്യലിലാണ് എഴുത്തുപരീക്ഷയും സത്യേന്ദ്ര തന്നെയാണ് അനുജനായ അങ്കിതിനുവേണ്ടി എഴുതിയതെന്നു വ്യക്തമായത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

യുപിയിലെ ഫിറോസാബാദ് സ്വദേശിയാണ് സത്യേന്ദ്രപാൽ. അതേസമയം അനുജന് വേണ്ടി സത്യേന്ദ്രപാൽ എങ്ങനെയാണ് എഴുത്തുപരീക്ഷ എഴുതിയതെന്ന കാര്യത്തിലും അന്വേഷണം ആരംഭിച്ചു.മുമ്പ് പലർക്കുവേണ്ടിയും എഴുത്തുപരീക്ഷയിലും ശാരീരികക്ഷമതാ പരിശോധനയിലും പങ്കെടുത്തതായാണ് സത്യേന്ദ്രയുടെ വെളിപ്പെടുത്തൽ.

അനുജന്റെ പേരിലായിരുന്നു വിമാനടിക്കറ്റ് ബുക്ക് ചെയ്ത യാത്ര നടത്തിയതെന്നും സത്യേന്ദ്രപാൽ ഉദ്യോ​ഗസ്ഥരോട് പറഞ്ഞു. ടിക്കറ്റ് യാത്രയ്ക്കു ശേഷം നശിപ്പിച്ചതായും ഇയാൾ പറയുകയുണ്ടായി. സത്യേന്ദ്രപാലിനെ പൊലീസ് അറസ്റ്റ് ചെയ്തു. ഇയാളുടെ സഹോദരനുവേണ്ടിയുള്ള തിരച്ചിൽ തുടങ്ങി.

News Tag Live യുട്യൂബ് ചാനല്‍ Subscribe ചെയ്യുക