16
Sep 2025
Mon
ന്യൂഡല്ഹി: പുതിയ ചരക്ക് സേവന നികുതി നിരക്ക് (GST) പ്രാബല്യത്തില്. ഇന്നു മുതല് ജിഎസ്ടിയില് അഞ്ച്, 18 ശതമാനം നിരക്കുകള് മാത്രമാണ് നിലവില് ഉണ്ടാവുക. പുതിയ നിരക്ക് പ്രാബല്യത്തില് വന്നതോടെ ബിസ്കറ്റിനും സോപ്പിനും നെയ്യിനും വെണ്ണയ്ക്കും മുതല് കാറുകള്ക്ക് വരെ ‘ബംപര്’ വിലക്കുറവാണ് ഉണ്ടാകുക. ഒട്ടുമിക്ക കമ്പനികളും ജിഎസ്ടി ഇളവിനു പുറമേ, ഉത്സവകാലം പ്രമാണിച്ച് വന് ഡിസ്കൗണ്ട് ഓഫറുകളും പ്രഖ്യാപിച്ചിട്ടുണ്ട്. 700ഓളം ഉല്പന്ന പാക്കുകളുടെ വിലയാണ് അമുല് കുറച്ചത്. വാഹനരംഗത്ത് മാരുതി, ടാറ്റ, ഹ്യുണ്ടായ്, കിയ, സ്കോഡ തുടങ്ങിയ കമ്പനികളും വന്വിലക്കുറവ് പ്രഖ്യാപിച്ചു.
 |
|
413 ഉത്പന്നങ്ങളുടെ വിലകുറയും.
48,000 കോടിയുടെ നഷ്ടമാണ് കണക്കാക്കുന്നത്.
വിലകുറയും (പുതിയ നിരക്ക് %)
5% : ഫീഡിങ് ബോട്ടില്, കുട്ടികള്ക്കുള്ള നാപ്കിന്, ക്ളിനിക്കല് ഡയപ്പര്, തുന്നല്യന്ത്രവും ഭാഗങ്ങളും, വസ്ത്രങ്ങള്,(2500 രൂപയില് താഴെ), ജൈവകീടനാശിനികള്
0%: മാപ്പ്, ചാര്ട്ട്, ഗ്ലോബ്, പെന്സില്, ഷാര്പ്പര്, നോട്ടുബുക്കുകള്, ആരോഗ്യ ഇന്ഷുറന്സ്, ലൈഫ് ഇന്ഷുറന്സ്
18% : എസി, എല്ഇഡി, എല്സിഡി ടിവികള്(32ഇഞ്ചിന് മുകളില്), മോണിറ്റര്, ഡിഷ് വാഷര്, ഗ്രാനൈറ്റ്, സിമന്റ്, 1200 സിസി വരെയുള്ള പെട്രോള്, സിഎന്ജി കാറുകള്, ഡീസല് കാറുകള് (1500 സിസിവരെ), മുച്ചക്ര വാഹനങ്ങള്, ഇരുചക്രവാഹനങ്ങള് (350സിസിക്ക് താഴെ)
വില കൂടും.
40% : പുകയില, പാന്മസാല, ആഡംബര വാഹനങ്ങള്, 20 ലക്ഷം മുതല് 40 ലക്ഷം രൂപ വരെ വിലയുള്ള നാലുചക്ര ഇലക്ട്രിക് വാഹനങ്ങള്
പ്രധാന പോയിന്റുകള്
* 5%, 12%, 18%, 28% എന്നീ സ്ലാബുകളാണ് ജിഎസ്ടിയില് ഉണ്ടായിരുന്നത്. ഇന്നുമുതല് മുതല് 5% (മെറിറ്റ്), 18% (സ്റ്റാന്ഡേര്ഡ്) സ്ലാബുകള് മാത്രം.
* ആഡംബര ഉല്പന്ന/സേവനങ്ങള്ക്കും ഉപയോഗം നിരുത്സാഹപ്പെടുത്തേണ്ട സിഗരറ്റ് പോലുള്ള ഉല്പന്നങ്ങള്ക്കുമായി (സിന്) 40% എന്ന പ്രത്യേക സ്ലാബുമുണ്ട്.
* ജനങ്ങള്ക്ക് ആശ്വാസം പകരുന്നതിനൊപ്പം നികുതിഘടന ലളിതമാക്കുക, തര്ക്കങ്ങള് ഒഴിവാക്കുക, ജനങ്ങളുടെ പര്ച്ചേസിങ് പവര് കൂട്ടുക, അതുവഴി ആഭ്യന്തര സമ്പദ്വളര്ച്ച ശക്തമാക്കുക എന്നീ ലക്ഷ്യങ്ങളോടെയാണ് ജിഎസ്ടി 2.0 പരിഷ്കാരം.
* ചരക്ക് സേവന നികുതിയുടെ പരിഷ്കരണത്തിന് പിന്നാലെ മില്മ ഉത്പന്നങ്ങള്ക്കും വിലകുറയും. നെയ്യ്, വെണ്ണ, പനീര്, ഐസ്ക്രീം തുടങ്ങി നൂറിലധികം ഉത്പന്നങ്ങളുടെ വിലയിലാണ് കുറവ് സംഭവിക്കുക.
* നെയ്യ്, വെണ്ണ, പനീര് എന്നിവയുടെ വിലയില് ഏഴ് ശതമാനത്തോളം കുറവാണ് ഉണ്ടാവുക. ഐസ്ക്രീമിന് 12 മുതല് 13 ശതമാനം വരെ വിലക്കുറവ് ഉണ്ടാകും.
* ജിഎസ്ടി നിരക്കില് മാറ്റം വന്നതോടെ മില്മ നെയ്യ് ഒരു ലിറ്ററിന് 45 രൂപ കുറയും. നിലവില് 720 രൂപ വിലയുള്ള നെയ്യ് 675 രൂപയായി കുറയും. അരലിറ്റര് നെയ്യിന് 370 രൂപയില് നിന്നും 25 രൂപ കുറഞ്ഞ് 345 രൂപയാകും. നെയ്യിന്റെ ജിഎസ്ടി നിരക്ക് 12 ശതമാനത്തില് നിന്ന് 5 ശതമാനമായി കുറച്ചതാണ് വിലയിലെ മാറ്റത്തിന് കാരണം.
* 400 ഗ്രാം വെണ്ണ 15 രൂപ കുറഞ്ഞ് ഇനിമുതല് 225 രൂപയ്ക്ക് ലഭിക്കും. 240 രൂപയായിരുന്നു നേരത്തെ ഇതിന്റെ വില. 500 ഗ്രാം പനീറിന്റെ വില 245 രൂപയില് നിന്ന് 234 രൂപയായി കുറയും.
* പനീറിനെ ജിഎസ്ടി നിരക്ക് ഒഴിവാക്കിയിട്ടുണ്ട്. മില്മ ഐസ്ക്രീമിന്റെ വിലയിലും മാറ്റം വരും. ഐസ്ക്രീം ഉത്പന്നങ്ങളുടെ ജിഎസ്ടി നിരക്ക് 18 ശതമാനത്തില് നിന്ന് അഞ്ച് ശതമാനമാക്കി കുറച്ചിട്ടുണ്ട്.
* ഫ്ളേവേര്ഡ് പാലിന്റെ നികുതിയും 12 ശതമാനത്തില് നിന്ന് അഞ്ച് ശതമാനമായി കുറഞ്ഞിട്ടുണ്ട്. അഞ്ച് ശതമാനം ജിഎസ്ടി ചുമത്തിയിരുന്ന യുച്ച്ടി പാലിന്റെ നികുതി ഒഴിവാക്കുകയും ചെയ്തതിന്റെ ഗുണവും വിലയില് പ്രതിഫലിക്കും.
Now is the time for price reduction; New GST rates come into effect
Latest News
More Stories
All Rights Reserved © 2022