06
Sep 2026
Sun
കപൂര്ത്തല: പ്രിയപ്പെട്ടയാളുടെ വേര്പാടില് ദുഃഖിക്കുകയും അന്ത്യകര്മ്മങ്ങളും പ്രാര്ത്ഥനാ ചടങ്ങുകളും പൂര്ത്തിയാക്കുകയും ചെയ്ത കുടുംബത്തിന് ദിവസങ്ങള്ക്ക് ശേഷം ഒരു ഫോണ് സന്ദേശം എത്തുന്നു: ‘നിങ്ങള് മരിച്ചെന്ന് കരുതിയ മകന് ജീവിച്ചിരിപ്പുണ്ട്, അവന് ജയിലിലാണ്!’ പഞ്ചാബിലെ കപൂര്ത്തലയിലാണ് ദുഃഖം പെട്ടെന്ന് സന്തോഷത്തിന് വഴിമാറിയ ഈ വിചിത്ര സംഭവം നടന്നത്.
 |
|
കാണാതായ മകന് രവി കുമാറിന്റേതെന്ന് കരുതി മൃതദേഹം സംസ്കരിച്ച് ഏകദേശം 15 ദിവസങ്ങള്ക്ക് ശേഷമാണ് കുടുംബത്തെ തേടി ആ അപ്രതീക്ഷിത ഫോണ് കോള് എത്തുന്നത്.
ആഗസ്റ്റ് 5-നാണ് രവി കുമാര് വീട്ടില് നിന്നിറങ്ങിയത്. പിന്നീട് തിരിച്ചെത്തിയില്ല. കുടുംബാംഗങ്ങള് പരമാവധി തിരച്ചില് നടത്തിയെങ്കിലും കണ്ടെത്താനായില്ല. തുടര്ന്ന് ആഗസ്റ്റ് 11-ന് കപൂര്ത്തല സിറ്റി പോലീസ് സ്റ്റേഷനില് കാണാതായതായി കാണിച്ച് പരാതി നല്കി.
ഇതിനിടെ, കത്തിക്കരിഞ്ഞ നിലയില് ഒരു യുവാവിന്റെ മൃതദേഹം കണ്ടെത്തിയതായി പോലീസ് കുടുംബത്തെ അറിയിച്ചു. മൃതദേഹത്തിന്റെ ചിത്രങ്ങള് കണ്ട കുടുംബാംഗങ്ങളും ബന്ധുക്കളും അത് രവി കുമാറാണെന്ന് സ്ഥിരീകരിച്ചു. തുടര്ന്ന് ആഗസ്റ്റ് 13-ന് കുടുംബം മൃതദേഹം സംസ്കരിക്കുകയും ചെയ്തു.
എന്നാല് സെപ്റ്റംബര് 2-നാണ് കഥ മാറിയത്. കപൂര്ത്തല സെന്ട്രല് ജയിലിലെ ജീവനക്കാരന് കുടുംബത്തെ ഫോണില് വിളിച്ച് രവി കുമാര് എന്നയാള് ജയിലില് ഉണ്ടെന്ന വിവരം അറിയിക്കുകയായിരുന്നു.
ഒരു മാസം മുന്പ് സംശയാസ്പദമായ സാഹചര്യത്തില് ചുറ്റിത്തിരിഞ്ഞതിന് ജലന്ധര് പോലീസാണ് രവി കുമാറിനെ അറസ്റ്റ് ചെയ്ത് ജയിലിലടച്ചത്. വിവരമറിഞ്ഞ് ഞെട്ടിയ കുടുംബം തൊട്ടടുത്ത ദിവസം ജയിലിലെത്തി രവി കുമാറിനെ നേരില് കണ്ടതോടെയാണ് ആശങ്കകള് മാറി സന്തോഷത്തിലായത്.
Tags: Punjab News Malayalam, Kapurthala Incident, Missing Son Alive, Punjab Police, Central Jail Kapurthala, National News Malayalam
News Tag Live യുട്യൂബ് ചാനല് Subscribe ചെയ്യുക
Latest News
Trending
More Stories
