രാഹുലിന്റെ എംപിസ്ഥാനം പുനഃസ്ഥാപിച്ചത് ചോദ്യം ചെയ്തുള്ള ഹര്‍ജി തള്ളി, ഹരജിക്കാരന് ഒരു ലക്ഷം രൂപ പിഴയും

ന്യൂഡല്‍ഹി: വയനാട്ടില്‍നിന്നുള്ള കോണ്‍ഗ്രസ് എം.പി രാഹുല്‍ ഗാന്ധിയുടെ പാര്‍ലമെന്റംഗത്വം പുനഃസ്ഥാപിച്ചത് ചോദ്യം ചെയ്തുകൊണ്ടുള്ള ഹര്‍ജി സുപ്രീംകോടതി പിഴസഹിതം തള്ളി. ഹര്‍ജിക്കാരന് കോടതി ഒരു ലക്ഷം രൂപയാണ് പിഴ ചുമത്തിയത്. ഹരജിക്കാരന്‍ അഭിഭാഷകനായ അശോക് പാണ്ഡെയ്ക്കാണ് കോടതി പിഴ വിധിച്ചത്. കോടതിയുടെ സമയം കളയുന്ന അനാവശ്യ ഹര്‍ജിയെന്നും സുപ്രീംകോടതി അഭിപ്രായപ്പെട്ടു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ജസ്റ്റിസുമാരായ ബി ആര്‍ ഗവായ്, സന്ദീപ് മെഹ്ത എന്നിവരുള്‍പ്പെട്ട ഡിവിഷന്‍ ബെഞ്ചാണ് ഹര്‍ജി പരിഗണിച്ചത്.

അപകീര്‍ത്തി കേസില്‍ സൂറത്ത് കോടതി ശിക്ഷിച്ചതോടെയാണ് രാഹുല്‍ഗാന്ധിയുടെ എംപി സ്ഥാനം റദ്ദാക്കിയത്. എന്നാല്‍ ശിക്ഷ സുപ്രീംകോടതി സ്‌റ്റേ ചെയ്തതോടെ എംപി സ്ഥാനം ലോക്‌സഭ സെക്രട്ടേറിയറ്റ് പുനഃസ്ഥാപിക്കുകയായിരുന്നു.

News Tag Live യുട്യൂബ് ചാനല്‍ Subscribe ചെയ്യുക