26
Jul 2025
Wed
തിരുവനന്തപുരം: കേരളത്തിൽ മഴ വീണ്ടും ശക്തമാകുന്നു. രാജസ്ഥാന് മുകളിലെ ശക്തി കൂടിയ ന്യൂനമര്ദ്ദം തീവ്ര ന്യുനമര്ദ്ദമായി മാറി. ജാര്ഖണ്ഡ്ന് മുകളിലെ തീവ്ര ന്യൂനമര്ദ്ദം ശക്തി കൂടിയ ന്യൂനമര്ദ്ദമായി സ്ഥിതി ചെയ്യുന്നതി ന്റെയും സ്വാധീനഫലമായി കേരളത്തില് അടുത്ത അഞ്ചുദിവസം ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
 |
|
സംസ്ഥാനത്ത് എല്ലാ ജില്ലകളിലും ഇന്ന് മഴ മുന്നറിയിപ്പുണ്ട്. ഇതിൽ ഇടുക്കി, എറണാകുളം, തൃശ്ശൂര്, കണ്ണൂര്, കാസര്കോട് ജില്ലകളിൽ തീവ്ര മഴയ്ക്ക് സാധ്യത ഉള്ളതിനാൽ ഓറഞ്ചു അലേർട്ട് ആണ്. ശേഷിക്കുന്ന ഒമ്പതു ജില്ലകളില് ശക്തമായ മഴ മുന്നറിയിപ്പുമുള്ളതിനാൽ (തിരുവനന്തപുരം, കൊല്ലം, പത്തനംതിട്ട, ആലപ്പുഴ,കോട്ടയം, പാലക്കാട്, മലപ്പുറം, കോഴിക്കോട്, വയനാട് ജില്ല) യെല്ലോ അലര്ട്ട് പുറപ്പെടുവിച്ചു.
ശനിയാഴ്ച വരെ ഒറ്റപ്പെട്ട അതിശക്തമായ മഴയ്ക്ക് സാധ്യതയുണ്ടെന്നും ഒപ്പം കാറ്റും ഉണ്ടാകുമെന്നും അറിയിപ്പില് വ്യക്തമാക്കുന്നു. ഒറ്റപ്പെട്ടയിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് കാറ്റ് വീശാനാണ് സാധ്യത. കാറ്റിന് സാധ്യതയുള്ളതിനാല് ജനങ്ങള്, പ്രത്യേകിച്ചും മലയോരമേഖലകളിലുള്ളവര് ജാഗ്രത പാലിക്കണമെന്ന് അധികൃതർ നിർദേശിച്ചു.
മത്സ്യബന്ധനത്തിന് വിലക്ക്
കേരള – കര്ണാടക – ലക്ഷദ്വീപ് തീരങ്ങളില് ഈ മാസം 19 വരെ മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. വെള്ളിയാഴ്ച വരെ കേരള – കര്ണാടക – ലക്ഷദ്വീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
ഇന്ന് തെക്കന് തമിഴ്നാട് തീരം, ഗള്ഫ് ഓഫ് മന്നാര്, കന്യാകുമാരി പ്രദേശം, മധ്യ കിഴക്കന് അറബിക്കടല്, അതിനോട് ചേര്ന്ന മധ്യ പടിഞ്ഞാറന് അറബിക്കടല്, അതിനോട് ചേര്ന്ന തെക്കന് അറബിക്കടലിന്റെ വടക്കന് ഭാഗങ്ങള്, കൊങ്കണ്, വടക്കു കിഴക്കന് അറബിക്കടല്, തെക്കു പടിഞ്ഞാറന് ബംഗാള് ഉള്ക്കടല്, മധ്യ പടിഞ്ഞാറന് ബംഗാള് ഉള്ക്കടല്, തെക്കന് ബംഗാള് ഉള്ക്കടലിന്റെ തെക്കന് ഭാഗങ്ങള് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
Severe low pressure, heavy rain in kerala; alert in five districts
Latest News
More Stories
All Rights Reserved © 2022