14
Sep 2024
Thu
 |
|
ന്യൂഡല്ഹി: സി.പി.എം ജനറല് സെക്രട്ടറി സീതാറാം യെച്ചൂരി അന്തരിച്ചു. ന്യൂഡല്ഹി: സി.പി.എം ജനറല് സെക്രട്ടറി സീതാറാം യെച്ചൂരി അന്തരിച്ചു. 72 വയസ്സുണ്ട്. നെഞ്ചിലെ അണുബാധയെത്തുടര്ന്ന് ഡല്ഹിയിലെ ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സില് (എയിംസ്) ചികിത്സയിലായിരുന്നു.
ആന്ധ്രാപ്രദേശിലെ കിഴക്കന് ഗോദാവരി സ്വദേശിയായ സീതാറം യെച്ചൂരി, സര്വേശ്വര സോമയാജി യെച്ചൂരിയുടെയും ഭാര്യ കല്പികയുടെയും മകനായി 1952 ഓഗസ്റ്റ് 12ന് തമിഴ്നാട്ടിലെ മദ്രാസിലാണ് ജനിച്ചത്. ഡല്ഹി സെന്റ് സ്റ്റീഫന്സ് കോളേജില് നിന്ന് സാമ്പത്തിക ശാസ്ത്രത്തില് ബിരുദം നേടിയ യെച്ചൂരി ജെ.എന്.യുവില് നിന്ന് സാമ്പത്തിക ശാസ്ത്രത്തില് ബിരുദാനന്തര ബിരുദം കരസ്ഥമാക്കി. ജെ.എന്.യുവില് പഠിക്കുന്നതിനിടെ രാജ്യത്തെ മുന്നിര വിദ്യാര്ഥി നേതാക്കളില് ഒരാളായും യെച്ചൂരി മാറി.
െേജ.എന്.യുവില് വച്ചാണ് കമ്മ്യൂണിസ്റ്റ് പാര്ട്ടിയില് ആകൃഷ്ടനായത്. 1974ല് എസ്എഫ്ഐയില് അംഗമായി. മൂന്നുവട്ടം ജെ.എന്.യു സര്വകലാശാല യൂണിയന് പ്രസിഡന്റായി. ജെഎന്യുവില് പിഎച്ച്ഡിക്ക് ചേര്ന്നെങ്കിലും അടിയന്തരാവസ്ഥക്കാലത്തെ ഒളിവുജീവിതം മൂലം പൂര്ത്തിയാക്കാനായില്ല.
അടിയന്തിരാവസ്ഥ കാലത്ത് മുതിര്ന്ന സിപിഎം നേതാക്കള്ക്കൊപ്പം യെച്ചൂരിയും അറസ്റ്റിലായി. 1986ല് SFI ദേശീയ പ്രസിഡന്റായി. 1984ല് 32ാം വയസ്സില് സിപിഎം കേന്ദ്രക്കമ്മിറ്റിയിലെത്തി. 1988ല് തിരുവനന്തപുരത്ത് നടന്ന പാര്ട്ടി കോണ്ഗ്രസില് കേന്ദ്ര സെക്രട്ടേറിയേറ്റ് അംഗവുമായി. 1992ല് മദ്രാസില് നടന്ന പാര്ട്ടി കോണ്ഗ്രസില് പൊളിറ്റ് ബ്യൂറോ അംഗമായി.
2015ലെ വിശാഖപട്ടണം പാര്ട്ടി കോണ്ഗ്രസിലാണ് സിപിഎം ജനറല് സെക്രട്ടറിയായത്. 2018ല് ഹൈദരാബാദിലെ പാര്ട്ടി കോണ്ഗ്രസില് വീണ്ടും സിപിഎം ജനറല് സെക്രട്ടറിയായി തെരഞ്ഞെടുക്കപ്പെട്ടു.
കണ്ണൂര് പാര്ട്ടി കോണ്ഗ്രസില് മൂന്നാം വട്ടവും പാര്ട്ടിയുടെ ഉന്നതപദവിയിലെത്തി. പാര്ട്ടി മുഖപത്രം പീപ്പിള്സ് ഡെമോക്രസിയുടെ എഡിറ്ററാണ്. 2005ല് പശ്ചിമ ബംഗാളില് നിന്നുള്ള രാജ്യസഭാംഗമായിരുന്നു. പ്രമുഖ മാധ്യമ പ്രവര്ത്തക സീമാ ചിസ്തിയാണ് ഭാര്യ. അന്തരിച്ച യുവ മാധ്യമപ്രവര്ത്തകന് ആശിഷ് യെച്ചൂരി, ഡോ. അഖിലാ യെച്ചൂരി, ഡാനിഷ് എന്നിവരാണ് മക്കള്.
CPI(M) General Secretary Sitaram Yechury passed away on Thursday at the age of 72. The senior politician was admitted to AIIMS New Delhi on August 19 for treatment of a pneumonia-like chest infection.
updates…
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026