കണ്ണൂരിൽ തെരുവുനായയുടെ ആക്രമണത്തിൽ ഇടപെട്ട് സുപ്രീം കോടതി; സംഭവം ഭൗർഭാഗ്യകരം

ന്യൂഡൽഹി: കേരളത്തിലെ തെരുവുനായകളുടെ ആക്രമണങ്ങളിൽ ഇടപെട്ട് സുപ്രീം കോടതി. കണ്ണൂരിൽ തെരുവുനായകളുടെ ആക്രമണത്തിൽ ഭിന്നശേഷിക്കാരനായ കുട്ടി മരിച്ചത് ഭൗർഭാഗ്യകരമെന്ന് സുപ്രീംകോടതി അഭിപായപ്പെട്ടു. അപകടകാരികളായ തെരുവ് നായകൾക്ക് ദയാവധം നൽകാനുള്ള അനുമതിയാവശ്യപ്പെട്ട് കണ്ണൂർ ജില്ലാ പഞ്ചായത്ത് നൽകിയ ഹരജി പരിഗണിക്കുകയായിരുന്നു കോടതി. ഈ കേസ് വിഷയത്തിലെ മറ്റ് ഹരജിക്കൊപ്പം കോടതി പരിഗണിക്കും. ജൂലായ് 12 നാണ് ഹരജി പരിഗണിക്കുക.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പേപ്പട്ടിയെന്നു സംശയിക്കുന്നവയെയും അക്രമകാരികളായ നായ്ക്കളെയും വേദന രഹിതമായ മാർഗങ്ങളിലൂടെ കൊല്ലാൻ അനുവദിക്കണമെന്നാണ് ജില്ലാ പഞ്ചായത്തിന്റെ ആവശ്യം. കണ്ണൂർ ജില്ലയിൽ നായ്ക്കൾ കൂട്ടത്തോടെ കുട്ടികളെ ആക്രമിക്കുന്ന ദൃശ്യങ്ങൾ ഹരജിയോടൊപ്പം സമർപ്പിച്ചിരുന്നു.