തെങ്ങ്-കവുങ്ങ് കയറ്റ തൊഴിലാളി യൂനിയൻ വയനാട് ജില്ലാ കൺവൻഷൻ

പുൽപ്പള്ളി: തെങ്ങ്-കവുങ്ങ് കയറ്റ തൊഴിലാളി യൂനിയൻ വയനാട് ജില്ലാ കൺവൻഷൻ വയനാട് ജില്ലാ പഞ്ചായത്ത് ക്ഷേമകാര്യ സ്റ്റാന്റിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്‌ഘാടനം ചെയ്തു. വി.എൻ കൃഷ്ണൻകുട്ടി അധ്യക്ഷത വഹിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

യൂനിയൻ സംസ്ഥാന പ്രസിഡന്റ് കെ.ടി ഭാസ്കരൻ പാനൂർ മുഖ്യപ്രഭാഷണം നടത്തി. ബൈജു ആലക്കോട്,സാജൻ സി.എം,ആന്റണി എ.എ,സന്തോഷ് ഒ.വി തുടങ്ങിയവർ സംസാരിച്ചു.

അപകടം നിറഞ്ഞതും കാഠിന്യമേറിയതുമായ തൊഴിൽചെയ്യുന്ന ഈ മേഖലയിലുള്ളവരുടെ പ്രശ്നങ്ങൾ ചർച്ചചെയ്യുന്നതിനും അവകാശ പോരാട്ടങ്ങൾക്ക് രൂപം കൊടുക്കുന്നതിനുമാണ് കൺവൻഷൻ നടത്തിയത്. പുൽപ്പള്ളി ഗ്രാമപ്പഞ്ചായത്ത് ഹാളിൽ നടന്ന കൺവൻഷനിൽ ജില്ലയുടെ വിവിധയിടങ്ങളിൽ നിന്നും നിരവധി തൊഴിലാളികൾ പങ്കെടുത്തു.