22
Aug 2026
Sat
ട്രെയിനുകളില് നിത്യോപയോഗ സാധനങ്ങള് വില്ക്കുന്നതിനിടെ യാത്രക്കാരെ അത്ഭുതപ്പെടുത്തി ഒരു സാധാരണക്കാരന്. ടൂത്ത് ബ്രഷും പേസ്റ്റും സോപ്പുമൊക്കെ വിറ്റ് ഉപജീവനം നടത്തുന്ന ഈ യുവാവിന് 19 ഭാഷകള് ലളിതമായി സംസാരിക്കാന് അറിയാം. സ്വയം പഠിച്ചെടുത്ത ഭാഷാ നൈപുണ്യമാണ് ഇദ്ദേഹത്തെ യാത്രക്കാര്ക്ക് മുന്നില് വേറിട്ടുനിര്ത്തുന്നത്.
 |
|
‘ലക്ഷയ് മേത്ത’ എന്ന എക്സ് (ട്വിറ്റര്) ഉപയോക്താവ് പങ്കുവെച്ച വീഡിയോയിലൂടെയാണ് ഈ അപൂര്വ്വ പ്രതിഭയെ ലോകമറിഞ്ഞത്. ട്രെയിനില് സാധനങ്ങള് വില്ക്കുന്നതിനിടെ യാത്രക്കാരിലൊരാള് ഇയാളോട് പശ്ചാത്തലത്തെക്കുറിച്ച് ചോദിക്കുകയായിരുന്നു. താന് രാജസ്ഥാന് സ്വദേശിയാണെന്നും 19-ഓളം ഭാഷകള് കൈകാര്യം ചെയ്യുമെന്നും ഇയാള് വ്യക്തമാക്കി. തുടര്ന്ന് യാത്രക്കാരുമായി വളരെ അനായാസമായി ഇംഗ്ലീഷില് സംസാരിക്കാനും തുടങ്ങി.
വിവിധ ഇന്ത്യന് ഭാഷകള് തമ്മിലുള്ള സാമ്യതകളും വ്യാകരണപരമായ ബന്ധങ്ങളും ഇയാള് യാത്രക്കാര്ക്ക് വിശദീകരിച്ചു നല്കി. ഇയാളുടെ ഭാഷാ പരിജ്ഞാനവും പ്രകടനവും കണ്ടതോടെ സാധനങ്ങള് വാങ്ങുന്നതിനേക്കാള് ഇയാളുടെ കഥ കേള്ക്കാനായി യാത്രക്കാരുടെ ശ്രദ്ധ. സ്വയം പഠിക്കാനുള്ള താല്പര്യമാണ് തന്നെ ഇത്രയധികം ഭാഷകള് പഠിക്കാന് സഹായിച്ചതെന്ന് ഇയാള് പറയുന്നു.
വീഡിയോ സോഷ്യല് മീഡിയയില് വൈറലായതോടെ വന് പ്രശംസയാണ് ഇയാള്ക്ക് ലഭിക്കുന്നത്. ഉപജീവനത്തിനായി കഷ്ടപ്പെടുമ്പോഴും അറിവ് നേടാനുള്ള ഇയാളുടെ ആഗ്രഹം തികച്ചും പ്രചോദനാത്മകമാണെന്ന് നിരവധി പേര് കുറിച്ചു. കഠിനാധ്വാനവും പ്രതിഭയും ലാളിത്യവും ഒത്തുചേരുന്ന യഥാര്ത്ഥ ഇന്ത്യയുടെ മുഖമാണിതെന്നാണ് പലരും അഭിപ്രായപ്പെട്ടത്.
Tags: Train vendor 19 languages, Viral video Malayalam, Multilingual train vendor, Rajasthan vendor languages, Social media news Malayalam, Trending news Malayalam, Inspiring news
News Tag Live യുട്യൂബ് ചാനല് Subscribe ചെയ്യുക
Latest News
Trending
More Stories
