തൃശൂർ സ്വദേശിയെ റിയാദിൽ കുത്തിക്കൊന്നു

റിയാദ്: മോഷണശ്രമം ചെറുക്കുന്നതിനിടെ തൃശൂർ സ്വദേശിയെ റിയാദിൽ കുത്തിക്കൊന്നു. തൃശൂർ പെരിങ്ങോട്ടുകര സ്വദേശി കാരിപ്പം കുളം അഷ്‌റഫ് (43) ആണ് കൊല്ലപ്പെട്ടത്. സ്വദേശിയുടെ വീട്ടിൽ ഡ്രൈവർ ആയി ജോലിചെയ്യുകയായിരുന്നു അഷ്റഫ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എക്‌സിറ്റ് നാലിലുള്ള പാർക്കിൽ ഇരിക്കുമ്പോൾ ആണ് ഇന്നലെ രാത്രി ആക്രമണം ഉണ്ടായത്. കുത്തേറ്റ അഷ്‌റഫിനെ ആശുപത്രിയിൽ എത്തിച്ചെങ്കിലും ഇന്ന് പുലർച്ചെ സൗദി ജർമൻ ആശുപത്രിയിൽ വച്ച് മരിക്കുകയായിരുന്നു.

ഭാര്യ: ഷഹാന, പിതാവ്: ഇസ്മയിൽ, മാതാവ്: സുഹറ, സഹോദരൻ: ഷനാബ്.

ഇന്ത്യൻ കൾച്ചറൽ ഫൗണ്ടേഷൻ(ഐസിഎഫ്) ഉമ്മുൽ ഹമാം സെക്ടർ അംഗമാണ്. നിയമ നടപടികൾ പൂർത്തിയാക്കുന്നതിനായി ഐസിഎഫ് സെൻട്രൽ കമ്മറ്റി വെൽഫെയർ സമിതി ഭാരവാഹികളായ ഇബ്രാഹിം കരീം, റസാഖ് വയൽക്കര എന്നിവരുടെ നേതൃത്വത്തിൽ ഐസിഎഫ് സഫ്‌വ വളന്റിയർമാർ രംഗത്തുണ്ട്.