പോലീസിനെ കണ്ട് നായകളെ അഴിച്ചുവിട്ടു; കോഴിക്കോട്ട് എംഡിഎംഎയുമായി സഹോദരങ്ങള്‍ അടക്കം മൂന്നുപേര്‍ പിടിയില്‍

കോഴിക്കോട് പന്തീരങ്കാവില്‍ 30 ഗ്രാം എംഡിഎംഎയുമായി രണ്ട് സഹോദരങ്ങള്‍ അടക്കം മൂന്നുപേരെ അറസ്റ്റ് ചെയ്തു. അരിക്കോട് സ്വദേശികളും സഹോദരങ്ങളുമായ അബ്ദു സമദ്, സാജിദ് ജമാല്‍, ആലപ്പുഴ സ്വദേശി അറഫ നദാല്‍ എന്നിവരാണ് പിടിയിലായത്. ഡാന്‍സാഫ് സംഘവും പന്തീരാങ്കാവ് പോലീസും നടത്തിയ പരിശോധനയിലാണ് പ്രതികളെ പിടികൂടിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അബ്ദു സമദിനെയും സാജിദ് ജമാലിനെയും 2024ല്‍ 18 ഗ്രാം കഞ്ചാവുമായി ബംഗളൂരു പോലീസ് പിടികൂടിയിട്ടുണ്ട്. അറഫ നദാലും കഞ്ചാവ് കേസില്‍ ജയില്‍ ശിക്ഷ അനുഭവിച്ചിട്ടുള്ള ആളാണ്.

തിരഞ്ഞെത്തിയ പോലീസിനുനേരെ പ്രതികള്‍ നായകളെ അഴിച്ചുവിട്ട് രക്ഷപ്പെടാന്‍ ശ്രമിക്കുകയുണ്ടായി. പോലീസ് സാഹസികമായി ഇവരെ പിടികൂടുകയായിരുന്നു. സ്‌കൂള്‍, കോളജ് വിദ്യാര്‍ഥികള്‍ക്കിടയിലാണ് പ്രതികള്‍ എംഡിഎംഎ വിറ്റുവന്നിരുന്നതെന്നാണ് പോലീസ് പറയുന്നത്.

ALSO READ: ഓൺലൈൻ ഓഹരി വ്യാപാരത്തിൽ ലാഭം വാ​ഗ്ദാനം ചെയ്ത് 86 ലക്ഷം രൂപ തട്ടിയ യുവാവ് പിടിയിൽ

News Tag Live യുട്യൂബ് ചാനല്‍ Subscribe ചെയ്യുക