വന്ദേഭാരതിന് വേണ്ടി നിര്‍ത്തിയിടലും തിക്കും തിരക്കും: പരശുറാം എക്‌സ്പ്രസില്‍ രണ്ട് പെണ്‍കുട്ടികള്‍ കുഴഞ്ഞുവീണു

വന്ദേഭാരതിന് വേണ്ടി നിര്‍ത്തിയിടലും തിക്കും തിരക്കും: പരശുറാം എക്‌സ്പ്രസില്‍ രണ്ട് പെണ്‍കുട്ടികള്‍ കുഴഞ്ഞുവീണു

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കോഴിക്കോട്: തിക്കും തിരക്കുംമൂലം ട്രെയിന്‍ യാത്രയ്ക്കിടെ കോഴിക്കോട്ട് രണ്ട് പെണ്‍കുട്ടികള്‍ കുഴഞ്ഞുവീണു. പരശുറാം എക്‌സ്പ്രസ് ട്രെയിനില്‍ യാത്ര ചെയ്യുന്നതിനിടെയാണ് സംഭവമുണ്ടായത്.
തിങ്കളാഴ്ച രാവിലെ മംഗളൂരുവില്‍ നിന്നു നാഗര്‍കോവിലിലേക്കു പുറപ്പെട്ട 16649 പരശുറാം എക്‌സ്പ്രസില്‍ വടകരയില്‍ നിന്നും കൊയിലാണ്ടിയില്‍ നിന്നും കോഴിക്കോട്ടേക്കു കയറിയ 2 വിദ്യാര്‍ഥിനികളാണു കുഴഞ്ഞുവീണത്. വന്ദേഭാരത് ട്രെയിന്‍ കടന്നുപോകാന്‍ പരശുറാം എക്‌സ്പ്രസ് അര മണിക്കൂറോളം തിക്കോടിയില്‍ നിര്‍ത്തിയിട്ട സമയത്താണ് ഒരാള്‍ കുഴഞ്ഞുവീണത്. മറ്റൊരാള്‍ കുഴഞ്ഞുവീണതു കൊയിലാണ്ടിക്കും കോഴിക്കോടിനുമിടയിലാണ്. ഇരുവരെയും സഹയാത്രക്കാര്‍ ശുശ്രൂഷ നല്‍കിയാണ് കോഴിക്കോട്ടെത്തിച്ചത്. തിരക്കേറിയ ദുരിത യാത്രയാണ് പെണ്‍കുട്ടികള്‍ കുഴഞ്ഞുവീഴുന്നതിന് ഇടയാക്കിയത്.

മതിയായ സൗകര്യങ്ങളില്ലാതെ വന്ദേ ഭാരത് എക്‌സ്പ്രസ് അനുവദിച്ചതിനാല്‍ സംസ്ഥാനത്തെ പാതയിലൂടെ ഓടുന്ന സാധാരണ ട്രെയിനുകള്‍ ഏറെ നേരം നിര്‍ത്തിയിടുന്നത് വലിയ വിമര്‍ശനത്തിനിടയാക്കിയിരുന്നു.