ലബനാനില്‍ പേജറുകള്‍ക്ക് പിന്നാലെ വാക്കി ടോക്കികള്‍ പൊട്ടിത്തെറിച്ചു; 9 മരണം

പേജറുകള്‍ കൂട്ടത്തോടെ പൊട്ടിത്തെറിച്ചതിനു പിന്നാലെ ലബനാനില്‍ വാക്കി ടോക്കികള്‍ പൊട്ടിത്തെറിച്ച് 9 പേര്‍ കൊല്ലപ്പെട്ടു. മുന്നൂറിലേറെ പേര്‍ക്ക് പരിക്ക്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കഴിഞ്ഞദിവസമാണ് പേജറുകള്‍ കൂട്ടത്തോടെ പൊട്ടിത്തെറിച്ചത്. ഈ ആക്രമണത്തില്‍ ഇതുവരെ 12 പേര്‍ കൊല്ലപ്പെട്ടതായാണ് ലബനാനില്‍ നിന്നുള്ള റിപോര്‍ട്ടുകള്‍ വ്യക്തമാക്കുന്നത്. 2800ലേറെ പേരാണ് പരിക്കേറ്റ് ചികില്‍സയില്‍ കഴിയുന്നത്. ഇവരില്‍ പലരുടെയും നില അതീവഗുരുതരമാണ്.

ആക്രമണത്തിനു പിന്നില്‍ ഇസ്രായേല്‍ ആണെന്ന് ഹിസ്ബുല്ല ആരോപിച്ചു. ഇസ്രായേലിന്റെ അധിനിവേശ നീക്കത്തെ ഫലസ്തീനൊപ്പം നിലകൊണ്ട് ചെറുക്കുന്നതിലുള്ള വൈരാഗ്യത്തിലാണ് ആക്രമണമെന്നും ഹിസ്ബുല്ല കുറ്റപ്പെടുത്തിയിരുന്നു. കൊല്ലപ്പെട്ടവരില്‍ ഹിസ്ബുല്ലയുടെ പ്രവര്‍ത്തകരുമുണ്ട്.

അഞ്ചുമാസം മുമ്പ് പേജറുകള്‍ക്കൊപ്പം വാങ്ങിയ വാക്കി ടോക്കികളാണ് പൊട്ടിത്തെറിച്ചതെന്നാണ് വിവരം. ദക്ഷിണ ലബനാനിലും ബെയ്‌റൂത്തിന്റെ പ്രാന്തപ്രദേശങ്ങളിലുമായാണ് ഇന്നത്തെ പൊട്ടിത്തെറികള്‍ നടന്നത്. ഇന്നലത്തെ ആക്രമണത്തില്‍ കൊല്ലപ്പെട്ടവരുടെ സംസ്‌കാരച്ചടങ്ങുകള്‍ക്കിടെയായിരുന്നു ഇന്ന് പൊട്ടിത്തെറിയുണ്ടായത്.

ALSO READ: ലബ്‌നാനില്‍ ആയിരത്തോളം പേജറുകള്‍ ഒരേ സമയം പൊട്ടിത്തെറിച്ചതെങ്ങിനെ? സുരക്ഷാ വീഴ്ച്ചയില്‍ ഞെട്ടി ഹിസ്ബുല്ല

News Tag Live യുട്യൂബ് ചാനല്‍ Subscribe ചെയ്യുക