ലോകത്തെ ആദ്യ പേഴ്‌സണല്‍ സെല്‍ഫ് ഡ്രൈവിങ് റോബോ കാര്‍ ദുബൈയില്‍ എത്തുന്നു; അടിപൊളി ഫീച്ചറുകള്‍

ദുബൈ: ലോകത്തെ ആദ്യ പേഴ്‌സണല്‍ സെല്‍ഫ് ഡ്രൈവിംഗ് റോബോ കാര്‍ (personal self-driving robocar) ദുബൈയില്‍ എത്തുന്നു.
സിലികണ്‍ വാലിയിലെ അജെന്റിക് ആര്‍ട്ടിഫിഷ്യന്‍ ഇന്റലിജന്റ്‌സ് (AI) കമ്പനി ടെന്‍സര്‍ ആണ് ലെവല്‍ 4 ഓട്ടോണമസ് വെഹിക്കിള്‍ ആയി വിപണനം ചെയ്യപ്പെടുന്ന ടെന്‍സര്‍ റോബോകാര്‍ അവതരിപ്പിക്കുന്നത്. വരാനിരിക്കുന്ന ദുബൈ വേള്‍ഡ് കോണ്‍ഗ്രസ് ഫോര്‍ സെല്‍ഫ് ഡ്രൈവിംഗ് ട്രാന്‍സ്‌പോര്‍ട്ടില്‍ ഇത് അവതരിപ്പിക്കുന്നതാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ടെന്‍സര്‍ ലെവല്‍ 4 ഓട്ടോണമസ് ആണ്. ഈ ‘റോബോ കാര്‍’ മിക്ക സാഹചര്യങ്ങളിലും സെല്‍ഫ് ഡ്രൈവിംഗ് മോഡില്‍ പ്രവര്‍ത്തിക്കും. അതേസമയം, മനുഷ്യ ഡ്രൈവര്‍ക്ക് ഇപ്പോഴും അതിന്റെ മേല്‍ ഓപ്ഷന്‍ ഉണ്ട്. ‘ലെവല്‍ 4 മോഡില്‍, (റോബോകാര്‍) അംഗീകൃത സോണുകള്‍ക്കുള്ളിലെ എല്ലാ ഡ്രൈവിംഗും കൈകാര്യം ചെയ്യുന്നു. മേല്‍നോട്ടമൊന്നും ആവശ്യമില്ല. ആ സോണുകള്‍ക്ക് പുറത്ത്, ഓട്ടോണമസ് ആയി മാറുന്നതിന് അസിസ്റ്റഡ് ഡ്രൈവിംഗിലേക്ക് മാറിയാല്‍ മതി” ടെന്‍സര്‍ വെബ്‌സൈട്ടില്‍ പറഞ്ഞു.

നവീകരണവും പുരോഗമന ചിന്തയും ഉള്‍ക്കൊള്ളുന്ന ദുബൈ നഗരത്തിലേക്ക് ടെന്‍സറിനെ കൊണ്ടുവരുന്നതില്‍ ഞങ്ങള്‍ക്ക് സന്തോഷമുണ്ട്. ഇതൊരു ആശയമല്ല ലോകത്തിലെ ആദ്യത്തെ യഥാര്‍ത്ഥ വ്യക്തിഗത റോബോകാര്‍ ആണിത്” ടെന്‍സറിന്റെ ചീഫ് മാര്‍ക്കറ്റിംഗ് ഓഫീസര്‍ (CMO) ആമി ലൂക്ക പറഞ്ഞു,

ഈ മാസം 24, 24 തീയതികളില്‍ ദുബൈ വേള്‍ഡ് ട്രേഡ് സെന്ററില്‍ നടക്കുന്ന ദുബൈ വേള്‍ഡ് കോണ്‍ഗ്രസ് ഫോര്‍ സെല്‍ഫ്‌ഡ്രൈവിംഗ് ട്രാന്‍സ്‌പോര്‍ട്ടില്‍ (ആര്‍.ടി.എ സംഘടിപ്പിക്കുന്ന) ടെന്‍സര്‍ റോബോകാര്‍ അരങ്ങേറ്റം കുറിക്കുമെന്ന്
ടെന്‍സര്‍ ചീഫ് മാര്‍ക്കറ്റിംഗ് ഓഫിസര്‍ ആമി ലൂക്ക പറഞ്ഞു.

ഇത് ഒരു വലിയ എസ്.യു.വിയുടെ വലുപ്പമുള്ളതാണ്. സവിശേഷതകള്‍ ഇപ്രകാരം: 124 ഇഞ്ച് വീല്‍ ബേസ്, മൊത്തം 217.5 ഇഞ്ച് നീളം, 78.3 ഇഞ്ച് ഉയരം, 79.9 ഇഞ്ച് വീതി (സൈഡ് മിററുകള്‍ ഒഴികെ). 2026 രണ്ടാം പകുതിയില്‍ ഉപയോക്തൃ ഡെലിവറികള്‍ പ്രതീക്ഷിക്കുന്നതായും ലൂക്ക ടെന്‍സര്‍ അഭിപ്രായപ്പെട്ടു.

World’s first personal self-driving robocar with Level-4 autonomy arrives in Dubai