ഭക്ഷ്യവിഷബാധയെ തുടർന്ന് 19കാരി മരിച്ചു

ഭക്ഷ്യ വിഷബാധയെ തുടർന്ന് 19കാരി മരിച്ചു. കാസർകോഡ് തലക്ലായി സ്വദേശി അഞ്ജുശ്രീ പാർവതിയാണ് മരിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഡിസംബർ ഒന്നിന് ഹോട്ടലിൽ നിന്ന് ഓൺലൈനായി വാങ്ങിയ കുഴിമന്തി കഴിച്ചതിനെ തുടർന്ന് അസ്വസ്ഥത അനുഭവപ്പെട്ട അഞ്ജുശ്രീയെ ആശുപത്രിയിൽ പ്രവേശിപ്പിക്കുകയായിരുന്നു. നില ​ഗുരുതരമായതോടെ മം​ഗലാപുരത്തെ ആശുപത്രിയിലെത്തിച്ചു. ഇവിടെ ചികിൽസയിലിരിക്കെയാണ് മരണം സംഭവിച്ചത്.

അട്കത്ത് ബെയിലിൽ പ്രവർത്തിക്കുന്ന അൽ റൊമാൻസിയ ഹോട്ടലിൽ നിന്നാണ് പെൺകുട്ടി കുഴിമന്തി വാങ്ങിയതെന്ന് ഉദുമ എംഎൽഎ സിഎച്ച് കുഞ്ഞമ്പു പറഞ്ഞു. പെൺകുട്ടിക്കൊപ്പം കുഴിമന്തി കഴിച്ച മറ്റുള്ളവർക്കും ഭക്ഷ്യവിഷബാധ ഏറ്റിരുന്നതായി എംഎൽഎ കൂട്ടിച്ചേർത്തു.