കൊച്ചിയിൽ ഓട്ടോഡ്രൈവർക്കെതിരേ വ്യാജ ബലാൽസം​ഗ പരാതി നൽകിയതിന് 19കാരി പിടിയിൽ

കൊച്ചിയിൽ ഓട്ടോഡ്രൈവർക്കെതിരേ വ്യാജ ബലാൽസം​ഗം പരാതി നൽകിയതിന് 19കാരിയെ പൊലീസ് അറസ്റ്റ് ചെയ്തു. വൈപ്പിൻ ബീച്ചിലേക്ക് ഓട്ടംവിളിച്ചുകൊണ്ടുപോയ ഓട്ടോറിക്ഷയിൽ വച്ച് താൻ ബോധക്ഷയ ആയെന്നും ഈസമയം ഓട്ടോറിക്ഷാ ഡ്രൈവർ തന്നെ ബലാൽസം​ഗം ചെയ്തെന്നുമായിരുന്നു പെൺകുട്ടിയുടെ പരാതി. ബോധം വീണപ്പോൾ പാതിവിവസ്ത്രയാണെന്ന് തിരിച്ചറിഞ്ഞെന്നും ഓട്ടോഡ്രൈവറുടെ അതിക്രമത്തിൽ നിന്ന് താനോടി രക്ഷപ്പെടുന്നുവെന്നുമായിരുന്നു പെൺകുട്ടിയുടെ അവകാശവാദം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

58കാരനെതിരേയായിരുന്നു മലയാളിയല്ലാത്ത പെൺകുട്ടിയുടെ പരാതി. പരാതിയിൽ അന്വേഷണം നടത്തിയ ഞാറക്കൽ പൊലീസാണ് തട്ടിപ്പ് കണ്ടെത്തിയത്. സുഹൃത്തായ യുവാവിനൊപ്പമാണ് യുവതി കൊച്ചിയിൽ കഴിഞ്ഞിരുന്നത്.

ഇതിനിടെ സുഹൃത്തിന് തന്നോടുള്ള താൽപര്യം കുറഞ്ഞുവെന്ന് പെൺകുട്ടി മനസ്സിലാക്കി.തന്നോട് സ​ഹതാപംതോന്നി
സുഹൃത്ത് തനിക്കൊപ്പം തുടർന്നും കഴിയുമെന്ന് പ്രതീക്ഷയിലായിരുന്നു 19കാരി വ്യാജ ബലാൽസം​ഗ പരാതി നൽകിയതെന്ന് പൊലീസ് ചോദ്യം ചെയ്യലിൽ കണ്ടെത്തി. പരാതിയിൽ ഓട്ടോഡ്രൈവറെ ചോദ്യംചെയ്ത പൊലീസ് ദൃക്സാക്ഷികളുടെ മൊഴികളും പരിശോധിച്ചപ്പോഴാണ് പെൺകുട്ടിയുടേത് വ്യാജ പരാതിയാണെന്ന നി​ഗമനത്തിലെത്തിയത്. തുടർന്ന് പെൺകുട്ടിയെ ചോദ്യം ചെയ്യുകയും സത്യാവസ്ഥ കണ്ടെത്തുകയുമായിരുന്നു.