വീട്ടിൽ നിന്ന് ഒളിച്ചോടി വന്ന പെൺകുട്ടിയെ കൂട്ടബലാൽസം​ഗം ചെയ്തു; അഞ്ചുപേർ അറസ്റ്റിൽ

വീട്ടിൽ നിന്ന് ഒളിച്ചോടിവന്ന പെൺകുട്ടിയ കൂട്ടബലാൽസം​ഗം ചെയ്ത സംഭവത്തിൽ ‍അഞ്ചുപേരെ അറസ്റ്റ് ചെയ്തു. ഉത്തരാഖണ്ഡിലാണ് സംഭവം. ഉത്തരാഖണ്ഡ് സർക്കാർ ബസ്സിലിട്ടായിരുന്നു സംഘം 17കാരിയെ കൂട്ടബലാൽസം​ഗത്തിനിരയാക്കിയത്. ബസ് സ്റ്റാൻഡിൽ നിർത്തിയിട്ടിരിക്കുകയായിരുന്നു ബസ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ബസിന്റെ ഡ്രൈവറും കണ്ടക്ടറും അടക്കമുള്ളവരെയാണ് അറസ്റ്റ് ചെയ്തതെന്ന് ഡെറാഡൂൺ പോലീസ് സൂപ്രണ്ട് അജയ് സിങ് പറഞ്ഞു. ആ​ഗസ്ത് 12നായിരുന്നു സംഭവം.

ബസിന്റെ ഡ്രൈവർ ധർമേന്ദ്ര കുമാർ(32), കണ്ടക്ടർ ദേവേന്ദ്ര(52), രാജ് പാൽ(57), രാജേഷ് കുമാർ സൊങ്കർ(38), രവി കുമാർ(34)എന്നിവരാണ് അറസ്റ്റിലായത്.
യുപിയിലെ മൊറാദാബാദ് സ്വദേശിനിയായ പെൺകുട്ടി ഡൽഹിയിലേക്കാണ് ആദ്യം എത്തിയത്. ഇവിടെയെത്തിയ ശേഷം കശ്മീരി ​ഗേറ്റിൽ നിന്ന് ഡെറാഡൂണിലേക്ക് പോവുകയായിരുന്നു. ബസ്സിൽ കയറിയ പെൺകുട്ടിയെ ഡെറാഡൂണിലെ ബസ് സ്റ്റാൻഡിൽ വച്ച് അക്രമികൾ കൂട്ടബലാൽസം​ഗം ചെയ്യുകയായിരുന്നു.

News Tag Live യുട്യൂബ് ചാനല്‍ Subscribe ചെയ്യുക