Pravasi Death: കോഴിക്കോട് സ്വദേശി റിയാദില്‍ മരിച്ചു; 30 വര്‍ഷത്തോളമായി പ്രവാസി

റിയാദ്: കോഴിക്കോട് സ്വദേശിയായ പ്രവാസി സൗദ് അറേബ്യയിലെ റിയാദില്‍ മരിച്ചു. കോഴിക്കോട് നല്ലളം സ്വദേശി എസ്.ഒ ചാലിത്തൊടി പറമ്പ് കണ്ണാറമ്പത്ത് വീട്ടില്‍ മജീദ് (58) ആണ് മരിച്ചത്. റിയാദിലെ നസീം അല്‍ അസര്‍ ആശുപത്രിയില്‍ ചികിത്സയിലിരിക്കെയാണ് മരണം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

30 വര്‍ഷത്തോളമായി ബിഎംഡബ്ല്യു കമ്പനിയുടെ സൗദിയിലെ സ്‌പെയര്‍ പാര്‍ട്‌സ് വിഭാഗത്തില്‍ ജോലി ചെയ്യുകയായിരുന്നു.
പരേതരായ ബിച്ചാമ്മദും കദീസയുമാണ് മാതാപിതാക്കള്‍.
ഭാര്യ: സാഹിദ.
മക്കള്‍: സജാദ്, ഷര്‍ഫീന, ഷെഫീഖ്.
മൃതദേഹം നാട്ടിലെത്തിച്ച് മറവുചെയ്യും.
റിയാദ് മലപ്പുറം ജില്ലാ കെ.എം.സി.സി വെല്‍ഫെയര്‍ വിങ് ചെയര്‍മാന്‍ റഫീഖ് ചെറുമുക്ക്, ജനറല്‍ കണ്‍വീനര്‍ റിയാസ് ചിങ്ങത്ത്, ജാഫര്‍ വീമ്പൂര്‍, നസീര്‍ കണ്ണീരി, സുല്‍ത്താന്‍ കാവനൂര്‍ എന്നിവരുടെ നേതൃത്വത്തില്‍ ആണ് നടപടിക്രമങ്ങള്‍ പൂര്‍ത്തിയാക്കുന്നത്.

News Tag Live യുട്യൂബ് ചാനല്‍ Subscribe ചെയ്യുക