28
Oct 2025
Fri
Tragic Bus Fire Incident in Kurnool കര്ണൂലില് ഹൈദരാബാദ്-ബെംഗളൂരു ദേശീയപാതയില് ബസ്സിനു തീപിടിച്ച് വന് ദുരന്തം. 15 പേര് മരിച്ചതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു. 40 പേര് ബസ്സിലുണ്ടായിരുന്നതാണ് പ്രാഥമിക വിവരം.
 |
|
ഇരുചക്രവാഹനത്തില് ഇടിച്ചതിനെ തുടര്ന്ന് ബസ്സിന് തീപിടിക്കുകയായിരുന്നു. സംഭവത്തിന്റെ കൂടുതല് വിവരങ്ങള് ലഭ്യമായിട്ടില്ല. ബെംഗളൂരുവിലേക്ക് പോകുകയായിരുന്ന ബസ്സിനാണ് തീപിടിച്ചത്. 15പേരെ ബസ്സില്നിന്ന് രക്ഷപ്പെടുത്തി.
”ബസ് ഇരുചക്രവാഹനത്തില് ഇടിച്ചതാണ് അപകടത്തിലേക്ക് നയിച്ചത്. ഇരുചക്രവാഹനം ബസ്സിനു അടിയില് കുടുങ്ങിയതോടെ റോഡില് ഉരഞ്ഞ് തീപടരുകയായിരുന്നു”കര്ണൂല് എസ്പി മാധ്യമങ്ങളോട് പറഞ്ഞു.
മുഴുവന് ഗ്ലാസ് വിന്ഡോകളുള്ള എസി ബസാണ് അപകടത്തില്പ്പെട്ടത്. ജനല്ച്ചില്ല് തകര്ത്ത് പുറത്തേക്ക് ചാടി ചില യാത്രക്കാര് രക്ഷപ്പെട്ടതായി കുര്നൂല് എസ്പി വിക്രാന്ത് പാട്ടീല് അറിയിച്ചു. പ്രദേശത്ത് ഇപ്പോഴും രക്ഷാപ്രവര്ത്തനം തുടരുകയാണ്.
ബസില് 40 യാത്രക്കാരും രണ്ട് ബസ് ജീവനക്കാരുമാണ് ഉണ്ടായിരുന്നത്. പരുക്കുകളോടെ പതിനഞ്ചോളം പേരെ അടുത്തുള്ള ആശുപത്രികളില് പ്രവേശിപ്പിച്ചിട്ടുണ്ടെന്നാണ് വിവരം.
സംഭവത്തില് ആന്ധ്ര മുഖ്യമന്ത്രി ചന്ദ്രബാബു നായിഡു അനുശോചിച്ചു.
Latest News
Trending
More Stories
All Rights Reserved © 2022