ഇന്ത്യന്‍ സൂപ്പര്‍ ലീഗ് 2025-26 സീസണിന് നാളെ കിക്ക്-ഓഫ്

ഇന്ത്യന്‍ സൂപ്പര്‍ ലീഗ് 2025-26 സീസണിന് നാളെ തുടക്കം. ഉദ്ഘാടന മത്സരത്തില്‍ നിലവിലെ ജേതാക്കളായ മോഹന്‍ ബഗാന്‍ സൂപ്പര്‍ ജയന്റും കേരള ബ്ലാസ്റ്റേഴ്‌സും ഏറ്റുമുട്ടും. വൈകുന്നേരം അഞ്ച് മണിക്ക് കൊല്‍ക്കത്തയിലെ സാള്‍ട്ട് ലേക്ക് സ്റ്റേഡിയത്തിലാണ് മത്സരം.
ആദ്യ ദിനത്തിലെ രണ്ടാം മത്സരത്തില്‍ എഫ്സി ഗോവയും ഇന്റര്‍ കാശിയും തമ്മിലാണ് പോരാട്ടം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സംഘാടകപരമായ മാറ്റങ്ങള്‍

സ്‌പോണ്‍സര്‍മാരില്ലാത്ത സാഹചര്യത്തില്‍ അഖിലേന്ത്യാ ഫുട്‌ബോള്‍ ഫെഡറേഷന്‍ നേരിട്ടാണ് ലീഗ് സംഘടിപ്പിക്കുന്നത്. കഴിഞ്ഞ വര്‍ഷം സെപ്റ്റംബറില്‍ ആരംഭിക്കേണ്ടിയിരുന്ന സീസണ്‍ വിവിധ കാരണങ്ങളാല്‍ വൈകുകയായിരുന്നു. ആകെ 14 ടീമുകളാണ് ഇത്തവണ പങ്കെടുക്കുന്നത്.

കേരള ബ്ലാസ്റ്റേഴ്‌സിന്റെ ഹോം ഷെഡ്യൂള്‍

കേരള ബ്ലാസ്റ്റേഴ്‌സിന്റെ ഹോം ഗ്രൗണ്ടായ കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തിലെ ആദ്യ മത്സരം 22-നാണ്. അന്ന് അവര്‍ മുംബൈ സിറ്റി എഫ്സിയെ നേരിടും.
2025-26 സീസണില്‍ കേരള ബ്ലാസ്റ്റേഴ്‌സിന് ലഭിച്ച 13 മത്സരങ്ങളില്‍ ഒമ്പത് മത്സരങ്ങളും കൊച്ചിയിലാണ് നടക്കുക. മേയ് 17-ന് എഫ്സി ഗോവയ്ക്കെതിരെയാണ് അവസാന ലീഗ് മത്സരം.

ഇതുവരെ ഇന്ത്യന്‍ സൂപ്പര്‍ ലീഗ് കിരീടം നേടാനായിട്ടില്ലാത്ത കേരള ബ്ലാസ്റ്റേഴ്‌സിന്റെ ലക്ഷ്യം ഈ സീസണില്‍ കന്നിക്കിരീടമാണ്. പുതിയ പ്രതീക്ഷകളും ശക്തമായ ടീമുമായാണ് അവര്‍ ആരാധകരുടെ മുന്നിലെത്തുന്നത്.