എന്‍സിപി നേതാവ് സുപ്രിയ സുലെയുടെ മകള്‍ക്കും ബിജെപി നേതാവിന്റെ മകനും മിന്ന് കെട്ട്; ചടങ്ങില്‍ ഭരണ-പ്രതിപക്ഷ നേതാക്കളുടെ പട

മുംബൈ: എന്‍സിപി (എസ്പി) എംപി സുപ്രിയ സുലെയുടെ മകള്‍ രേവതി സുലെയും ബിജെപി എംഎല്‍സി അരുണ്‍ ലഖാനിയുടെ മകന്‍ സാരംഗ് ലഖാനിയും തമ്മിലുള്ള വിവാഹം മുംബൈയിലെ ജിയോ വേള്‍ഡ് കണ്‍വെന്‍ഷന്‍ സെന്ററില്‍ വെച്ച് നടന്നു. രാഷ്ട്രീയ ചേരിതിരിവുകള്‍ മറന്ന് ഭരണ-പ്രതിപക്ഷ നിരയിലെ പ്രമുഖ നേതാക്കള്‍ ഒത്തുചേര്‍ന്ന ചടങ്ങ് രാഷ്ട്രീയ വ്യത്യാസങ്ങള്‍ക്കപ്പുറമുള്ള വ്യക്തിബന്ധങ്ങളുടെ നേര്‍ക്കാഴ്ചയായി മാറി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കോണ്‍ഗ്രസ് നേതാവ് രാഹുല്‍ ഗാന്ധി, ബിജെപി നേതാവും മഹാരാഷ്ട്ര ഉപമുഖ്യമന്ത്രിയുമായ ദേവേന്ദ്ര ഫഡ്‌നാവിസ്, ശിവസേന (യുബിടി) മേധാവി ഉദ്ധവ് താക്കറെ എന്നിവരും പ്രമുഖ വ്യവസായി മുകേഷ് അംബാനിയും ചടങ്ങില്‍ പങ്കെടുക്കുകയും പരസ്പരം സൗഹൃദം പങ്കിടുകയും ചെയ്തു.

#WATCH | Mumbai: Actor Amitabh Bachchan arrives at the Jio Convention Centre to attend the wedding of NCP (SCP) MP Supriya Sule’s daughter, Revati Sule. pic.twitter.com/5SSFm76wZY

— ANI (@ANI) June 20, 2026

വിവാഹത്തിന് മുന്നോടിയായി നടന്ന സംഗീത് ചടങ്ങില്‍ ബോളിവുഡ് താരം ഷാരൂഖ് ഖാന്‍ ഉള്‍പ്പെടെയുള്ള പ്രമുഖര്‍ നൃത്തം ചവിട്ടി. രാഷ്ട്രീയ സഖ്യങ്ങളിലെ മാറ്റങ്ങള്‍ക്കിടയിലും രാജ്യത്തെ പ്രമുഖ വ്യക്തികള്‍ തമ്മിലുള്ള പരസ്പര ബന്ധത്തിന്റെ തെളിവായി ഈ ചടങ്ങ് മാറി. രാഷ്ട്രീയ പോരാട്ടങ്ങള്‍ വ്യക്തിപരമായ ബന്ധങ്ങളെ ബാധിക്കാറില്ലെന്നും അവ എപ്പോഴും വേറിട്ടുനില്‍ക്കുന്നതാണെന്നും സുപ്രിയ സുലെ ഈ അവസരത്തില്‍ പ്രതികരിച്ചു.

Cross-Party Elite Gather for Revati Sule’s Mumbai Wedding