ഡോക്ടർ അടിവസ്ത്രം അഴിപ്പിച്ച് മാറിടത്തിലും സ്വകാര്യഭാഗങ്ങളിലും തൊട്ടു; ഗ്യാസ്‌ട്രിക് അൾസറിന് ചികിത്സ തേടിയെത്തിയ 25-കാരിക്ക് ക്രൂര പീഡനം, ഡോക്ടർ ജയിലിൽ!

അഹമ്മദാബാദ്: ഗുജറാത്തിലെ അഹമ്മദാബാദിൽ ചികിത്സ തേടിയെത്തിയ 25-കാരിയായ വിദ്യാർത്ഥിനിയോട് ലൈംഗിക അതിക്രമം നടത്തിയ സ്വകാര്യ ആശുപത്രിയിലെ പ്രമുഖ ഡോക്ടർ അറസ്റ്റിൽ. അഹമ്മദാബാദ് താൽതെജ് സ്വദേശിയും മേംനഗറിലെ പ്രശസ്തമായ ഗ്യാസ്‌ട്രോ ആന്റ് ലിവർ ആശുപത്രിയിലെ ഡോക്‌ടറുമായ വിരാജ് സതീഷ്‌കുമാർ പട്ടേൽ ആണ് അറസ്റ്റിലായത്. കോടതിയിൽ ഹാജരാക്കിയ പ്രതിയെ ജുഡീഷ്യൽ കസ്റ്റഡിയിൽ സെൻട്രൽ ജയിലിലേക്ക് അയച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പരിശോധനയുടെ മറവിൽ ലൈംഗിക അതിക്രമം

വസ്ത്രാപൂർ സ്വദേശിനിയായ യുവതി പ്രാദേശിക സ്ഥാപനത്തിൽ പഠനം നടത്തിവരികയാണ്. കഠിനമായ ഗ്യാസ്‌ട്രിക് അൾസർ സംബന്ധമായ ബുദ്ധിമുട്ടുകളെത്തുടർന്നാണ് മേംനഗറിലെ പ്രമുഖ ഗ്യാസ്‌ട്രോ ആശുപത്രിയിൽ എത്തിയത്. ആദ്യഘട്ടത്തിൽ സോണോഗ്രഫി പരിശോധന നടത്തി മരുന്നുകൾ നൽകി മടക്കി അയച്ചെങ്കിലും ആരോഗ്യസ്ഥിതി വീണ്ടും മോശമായതിനെ തുടർന്ന് ഒക്ടോബർ ഒന്നിന് യുവതി കുടുംബത്തോടൊപ്പം വീണ്ടും ആശുപത്രിയിലെത്തി.

അന്ന് രാത്രി പരിശോധന നടത്തുന്നതിനിടെ, വനിതാ ജീവനക്കാരുടെ സാന്നിധ്യമില്ലാതെ യുവതിയുടെ അടിവസ്ത്രം അഴിപ്പിക്കുകയും കൈയുറ ധരിക്കാതെ മാറിടത്തിൽ പരിശോധനയുടെ പേരിൽ ഡോക്ടർ അനാവശ്യമായി സ്പർശിക്കുകയുമായിരുന്നു.

മുറി അകത്തുനിന്ന് പൂട്ടി വീണ്ടും ഉപദ്രവിച്ചു

പിറ്റേദിവസവും തുടർപരിശോധനയ്ക്കായി എത്തുവാൻ നിർദ്ദേശിച്ച ഡോക്‌ടർ, യുവതിയെ ആശുപത്രിയിലെ മറ്റൊരു പ്രത്യേക മുറിയിലേക്ക് കൊണ്ടുപോവുകയും വാതിൽ അകത്തുനിന്ന് പൂട്ടിയിടുകയും ചെയ്തു.

വനിതാ ജീവനക്കാരില്ലാത്ത അടച്ചിട്ട മുറിയിൽ വെച്ച് വീണ്ടും അടിവസ്ത്രമഴിക്കാൻ ആവശ്യപ്പെട്ട ഡോക്‌ടർ, കൈയുറ ധരിക്കാതെ സ്വകാര്യഭാഗങ്ങളിൽ സ്പർശിച്ചു എന്നാണ് യുവതി നൽകിയ പരാതിയിൽ വ്യക്തമാക്കുന്നത്. ഭയന്നുപോയ യുവതി ഉടൻതന്നെ സംഭവം മാതാപിതാക്കളെ അറിയിക്കുകയും തുടർന്ന് വസ്ത്രാപൂർ പോലീസിൽ പരാതി നൽകുകയുമായിരുന്നു.

കടുത്ത നടപടിയുമായി പോലീസ്; അന്വേഷണം പുരോഗമിക്കുന്നു

യുവതി നൽകിയ കൃത്യമായ പരാതിയുടെയും പ്രാഥമിക അന്വേഷണത്തിന്റെയും അടിസ്ഥാനത്തിൽ എഫ്.ഐ.ആർ രജിസ്റ്റർ ചെയ്ത പോലീസ്, ഡോക്ടർ വിരാജ് സതീഷ്‌കുമാർ പട്ടേലിനെ അറസ്റ്റ് ചെയ്യുകയായിരുന്നു.

ആശുപത്രിയിലെ സി.സി.ടി.വി ദൃശ്യങ്ങൾ പരിശോധിച്ച് വരികയാണെന്നും വനിതാ ജീവനക്കാരുടെ സാന്നിധ്യമില്ലാതെ രോഗിയെ പരിശോധിച്ചതടക്കമുള്ള മെഡിക്കൽ ചട്ടലംഘനങ്ങൾ അന്വേഷണ പരിധിയിൽ കൊണ്ടുവരുമെന്നും പോലീസ് ഉദ്യോഗസ്ഥർ അറിയിച്ചു.

Tags: Ahmedabad Doctor Arrested, Dr Viraj Satishkumar Patel, Taltej Gastro Hospital, Medical Negligence, Crimes Against Women, National News Malayalam, World News Malayalam

News Tag Live യുട്യൂബ് ചാനല്‍ Subscribe ചെയ്യുക