ഗസ്സ: പാരച്യൂട്ട് പ്രവർത്തിച്ചില്ല, ഭക്ഷണം കാത്തുനിൽക്കുന്നക്ക് മേലെ ഭീമൻ പെട്ടി വീണ് ആറുപേർക്ക് ദാരുണാന്ത്യം

ഗസ്സ: പാരച്യൂട്ട് പ്രവർത്തിച്ചില്ല, ഭക്ഷണം കാത്തുനിൽക്കുന്നക്ക് മേലെ ഭീമൻ പെട്ടി വീണ് ആറുപേർക്ക് ദാരുണാന്ത്യം

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഗസ്സ സിറ്റി: ഗസ്സയിൽ ആകാശമാർഗം (എയർഡ്രോപിങ്) ഭക്ഷണം വിതരണം ചെയ്യുന്നതിനിടെ ആറു ഫലസ്തീനികൾക്ക് ദാരുണാന്ത്യം
വിമാനത്തില്‍ നിന്ന് താഴേക്കിട്ട ഭക്ഷണസാമഗ്രികള്‍ അടങ്ങിയ പാരഷൂട്ട് വിടരാതിരുന്നതിനെ തുടര്‍ന്ന് നിലത്തുവീണ് അണ് ദുരന്തം. ഭക്ഷണ സാമഗ്രികള്‍ ഉള്‍പ്പെടെ നിറച്ച പെട്ടികളായിരുന്നു പാരഷൂട്ടില്‍ ഉണ്ടായിരുന്നത്. സഹായം കാത്ത് താഴെ നിന്നവര്‍ക്ക് മേലെയാണ് പാക്കറ്റുകള്‍ വന്നുവീണത്.

കടുത്ത ഭക്ഷ്യക്ഷാമം നേരിടുന്ന ഗാസയില്‍ അമേരിക്ക ഉള്‍പ്പെടെയുള്ള വിവിധ രാജ്യങ്ങള്‍ ആകാശമാര്‍ഗം സഹായവിതരണം നടത്തുന്നുണ്ട്. വിമാനത്തില്‍ നിന്ന് സഹായ പാക്കറ്റുകള്‍ താഴേക്കിടുന്നത് ഒട്ടും പ്രയോജനകരമല്ലെന്നും അതിര്‍ത്തികളിലൂടെ ഭക്ഷണം എത്തിക്കുന്നതാണ് നല്ലതെന്നും ഗാസ സര്‍ക്കാര്‍ അറിയിച്ചു. ഗാസ മുനമ്പിലെ പൗരന്മാരുടെ ജീവിതത്തിന് ഇത് ഭീഷണിയാണെന്ന് മുമ്പ് മുന്നറിയിപ്പ് നല്‍കിയിരുന്നുവെന്നും പാഴ്സലുകള്‍ പൗരന്മാരുടെ തലയില്‍ വീണപ്പോഴാണ് ഇത് സംഭവിച്ചതെന്നും ഗാസ സര്‍ക്കാര്‍ പ്രസ്താവനയില്‍ പറഞ്ഞു.

വടക്കന്‍ ഗാസയിലെ ആശുപത്രികളില്‍ പ്രവേശിപ്പിച്ചവരില്‍ കുറഞ്ഞത് 20 പേര്‍ ഭക്ഷണക്ഷാമത്തില്‍ മരിച്ചെന്നാണ് റിപ്പോര്‍ട്ട്. തെക്കന്‍ ഗാസയിലും ക്ഷാമം മൂലമുള്ള ബാലമരണങ്ങള്‍ സംഭവിക്കുന്നുണ്ടെന്ന് യുനിസെഫ് അറിയിച്ചു

ഒക്ടോബർ ഏഴിന് ഇസ്രായേൽ തുടങ്ങിയ ആക്രമണങ്ങളിൽ ഇതുവരെ 30,000 ലധികം പേരാണ് മരിച്ചത്.

Aid airdrop kills five people in Gaza after parachute fails