ജര്‍മനിയിലെ കാര്‍ ആക്രമണം; മരണം അഞ്ചായി; നിരവധി പേര്‍ ഗുരുതരാവസ്ഥയില്‍

ബെര്‍ലിന്‍: ജര്‍മനിയിലെ മാഡര്‍ബര്‍ഗ് നഗരത്തില്‍ ക്രിസ്മസ് ചന്തയിലേക്ക് കാര്‍ ഇടിച്ചു കയറ്റി നടത്തിയ ആക്രമണത്തില്‍ കൊല്ലപ്പെട്ടവരുടെ എണ്ണം അഞ്ചായി. (Car attack in Germany; Death toll rises to five; several in critical condition)200ലേറെ പേര്‍ക്ക് പരിക്കേറ്റിട്ടുണ്ട്. കാര്‍ മനപൂര്‍വ്വം ജനങ്ങള്‍ക്കിടയിലേക്ക് ഇടിച്ചു കയറ്റുകയായിരുന്നുവെന്ന് പോലീസ് അറിയിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കാര്‍ ഡ്രൈവറെ പോലീസ് കസ്റ്റിഡിയിലെടുത്തു. സൗദി അറേബ്യയിയില്‍ നിന്നുള്ള 50 കാരനായ ഡോക്ടറാണ് കാറോടിച്ചതെന്ന് സാക്സോണി അന്‍ഹാല്‍ത് സംസ്ഥാനത്തിന്റെ ആഭ്യന്തര മന്ത്രി തമാറ സീഷാങ് പറഞ്ഞു. 2006ല്‍ ആണ് ഇയാള്‍ ജര്‍മനിയിലെത്തിയത്. ഇയാള്‍ ഒറ്റയ്ക്കാണ് ആക്രമണം നടത്തിയതെന്നാണ് നിലവിലെ നിഗമനം.

പരിക്കേറ്റവരില്‍ പലരുടെയും നില ഗുരുതരമാണ്. പ്രാദേശിക സമയം, വൈകീട്ട് 7 മണിയോടെയാണ് സംഭവം. അതിവേഗതയില്‍ ഓടിച്ചെത്തിയ കാര്‍ ആള്‍ക്കൂട്ടത്തിനിടയിലേക്ക് ഇടിച്ചുകയറ്റുകയായിരുന്നുവെന്ന് പ്രാദേശിക മാധ്യമങ്ങള്‍ റിപോര്‍ട്ട് ചെയ്തു. ക്രിസ്മസിന് മുമ്പുള്ള അവസാന വെള്ളിയാഴ്ച്ച ആയതിനാല്‍ ചന്തയില്‍ നല്ല തിരക്കുണ്ടായിരുന്നു.

മാര്‍ക്കറ്റിന് 400 മീറ്റര്‍ അകലെ നിന്നാണ് ഇയാള്‍ ക്രിസ്തുമസ് മാര്‍ക്കറ്റിന് നേരെ ലക്ഷ്യമിട്ട് കാര്‍ ഓടിച്ച് കയറ്റിയത്. ഉടന്‍ തന്നെ ആംബുലന്‍സുകളും പൊലീസും സംഭവസ്ഥലത്തേക്ക് എത്തി. അപകടത്തില്‍ അനുശോചനം അറിയിച്ച് ജര്‍മ്മന്‍ ചാന്‍സലര്‍ ഓള്‍ഫ് സ്‌കോള്‍സ് രംഗത്തെത്തി.