വിവാഹവാഗ്ദാനം നൽകി യുവതിയെ പീഡിപ്പിച്ചു ഗർഭിണിയാക്കിയ സിഐക്ക് സസ്പെൻഷൻ

വിവാഹവാഗ്ദാനം നൽകി യുവതിയെ പീഡിപ്പിച്ചു ഗർഭിണിയാക്കിയ സിഐക്ക് സസ്പെൻഷൻ. പത്തനംതിട്ട ജില്ലാ ക്രൈം റെക്കോർഡ്സ് ബ്യൂറോ (ഡിസിആർബി) സിഐ ടി.കെ. വിനോദ് കൃഷ്ണയെ ആണ്സസ്പെൻഡ് ചെയ്തത്. എലവുംതിട്ട സിഐയായി ജോലി ചെയ്തിരുന്ന കാലത്താണ് ഇയാൾ യുവതിയുമായി പരിചയത്തിലായതെന്നാണ് റിപ്പോർട്ട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഭാര്യയുമായി വിവാഹമോചനം നേടിയശേഷം യുവതിയെ വിവാഹം കഴിക്കാമെന്ന് വാഗ്ദാനം നൽകി ഒപ്പം താമസിപ്പിച്ചെന്നാണ് പരാതി. പേരൂർക്കടയിൽ സിഐയായി ജോലി ചെയ്തിരുന്ന സമയത്ത് യുവതിയെ തിരുവനന്തപുരത്തും ഒപ്പം താമസിപ്പിച്ചു.

പിന്നീട് വിവാഹവാഗ്ദാനത്തിൽനിന്ന് വിനോദ് കൃഷ്ണ പിന്മാറിയതോടെയാണ് യുവതി ജില്ലാ പൊലീസ് മേധാവിക്ക് പരാതി നൽകിയത്. സർവീസിൽനിന്ന് വിരമിക്കാൻ രണ്ടുവർഷം മാത്രം ശേഷിക്കെയാണ് സിഐക്കെതിരെ സസ്പെൻഷൻ നടപടി ഉണ്ടായിരിക്കുന്നത്.

ALSO READ:അമ്മാവന്റെ സ്വർണം മോഷ്ടിച്ച് വിറ്റ് പുതിയ മഹീന്ദ്ര ഥാർ വാങ്ങിയ 19കാരൻ വാഹന പൂജയ്ക്കു പിന്നാലെ പിടിയിലായി

News Tag Live യുട്യൂബ് ചാനല്‍ Subscribe ചെയ്യുക