ദത്തെടുത്ത മകൾ ഇണങ്ങുന്നില്ല; ദത്ത്​ റദ്ദാക്കണമെന്നാവശ്യപ്പെട്ട് ദമ്പതികൾ ഹൈക്കോടതിയിൽ

കൊ​ച്ചി: ദ​ത്തെ​ടു​ത്ത മ​ക​ൾ വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഒ​ത്തു​പോ​കാ​ത്ത​തി​നാ​ൽ ദ​ത്തെ​ടു​ക്ക​ൽ റ​ദ്ദാ​ക്കണമെന്നാവശ്യപ്പെട്ട് ഹൈ​ക്കോ​ട​തി​യി​ൽ ഹ​ര​ജി. തി​രു​വ​ന​ന്ത​പു​രം സ്വ​ദേ​ശി​യാ​യ റി​ട്ട. സ​ർ​ക്കാ​ർ ഉ​ദ്യോ​ഗ​സ്ഥ​നും ഭാ​ര്യ​യുമാണ് ഹരജി ന​ൽ​കി​യത്. ഹ​ര​ജി​യി​ൽ ദ​ത്തു​പു​ത്രി​യു​മാ​യി സം​സാ​രി​ച്ച്​ റി​പ്പോ​ർ​ട്ട്​ ന​ൽ​കാ​ൻ തി​രു​വ​ന​ന്ത​പു​രം ജി​ല്ല ലീ​ഗ​ൽ സ​ർ​വി​സസ് അ​തോ​റി​റ്റി സെ​ക്ര​ട്ട​റി​ക്ക് ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ നി​ർ​ദേ​ശം ന​ൽ​കി. തു​ട​ർ​ന്ന്​ ഹ​ര​ജി ന​വം​ബ​ർ 17ന്​ ​വീ​ണ്ടും പ​രി​ഗ​ണി​ക്കാ​ൻ മാ​റ്റി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഹ​ര​ജി​ക്കാ​രു​ടെ ഏ​ക​മ​ക​ൻ 2017 ജ​നു​വ​രി 14ന് 23ാം ​വ​യ​സി​ൽ കാ​റ​പ​ക​ട​ത്തി​ൽ മ​രി​ച്ച​തോ​ടെ പ​ഞ്ചാ​ബി​ലെ ലു​ധി​യാ​ന​യി​ലു​ള്ള നി​ഷ്‌​കാം സേ​വാ ആ​ശ്ര​മ​ത്തി​ൽ​നി​ന്ന്​ 2018 ഫെ​ബ്രു​വ​രി 16നാ​ണ്​ ദമ്പതികൾ 13 വ​യ​സുള്ള പെ​ൺ​കു​ട്ടി​യെ ദ​ത്തെ​ടു​ത്ത​ത്. എ​ന്നാ​ൽ, ഉ​ത്ത​രേ​ന്ത്യ​യി​ൽ ​നി​ന്നു​ള്ള കു​ട്ടി​ക്ക് ത​ങ്ങ​ളെ മാ​താ​പി​താ​ക്ക​ളാ​യി കാ​ണാ​ൻ ക​​ഴി​യു​ന്നി​ല്ലെ​ന്ന്​ ഹ​ര​ജി​യി​ൽ ചൂണ്ടിക്കാട്ടുന്നു.

ഒ​ത്തു​പോ​വി​ല്ലെ​ന്ന്​ വ​ന്ന​തോ​ടെ കു​ട്ടി​യെ 2022 സെപ്തംബ​ർ 29ന്​ ​തി​രു​വ​ന​ന്ത​പു​രം ശി​ശു​ക്ഷേ​മ സ​മി​തി​യു​ടെ സം​ര​ക്ഷ​ണ​യി​ലാ​ക്കി. ദ​ത്തെ​ടു​ത്ത ന​ട​പ​ടി റ​ദ്ദാ​ക്കി ലു​ധി​യാ​ന​യി​ലെ ആ​ശ്ര​മ​ത്തി​ലേ​ക്ക് കു​ട്ടി​യെ തി​രി​ച്ച​യ​ക്ക​ണ​മെ​ന്ന് അ​പേ​ക്ഷ​യും ന​ൽ​കി. ഈ ​ആ​വ​ശ്യ​മു​ന്ന​യി​ച്ച് ഹൈ​ക്കോ​ട​തി​യി​ൽ ഹ​ര​ജി ന​ൽ​കി​യെ​ങ്കി​ലും 2017ലെ ​ദ​ത്തെ​ടു​ക്ക​ൽ നി​യ​മ പ്ര​കാ​രം ന​ട​പ​ടി സ്വീ​ക​രി​ക്കാ​ൻ നി​ർ​ദേ​ശി​ച്ച്​ 2022 ഡി​സം​ബ​ർ12​ന്​ ഹ​ര​ജി തീ​ർ​പ്പാ​ക്കി.

പി​ന്നീ​ട്​ കേ​ന്ദ്ര സ​ർ​ക്കാരി​ന്‍റെ പ​രി​ഷ്ക​രി​ച്ച നി​യ​മ പ്ര​കാ​രം ദ​ത്തെ​ടു​ക്ക​ൽ റ​ദ്ദാ​ക്കാ​ൻ ക​ല​ക്ട​ർ​ക്ക് അ​പേ​ക്ഷ ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. കു​ട്ടി​യെ തി​രി​ച്ചെ​ടു​ക്കാ​ൻ ലു​ധി​യാ​ന​യി​ലെ ആ​ശ്ര​മം അ​ധി​കൃ​ത​രും ത​യാ​റാ​യി​ല്ല. തു​ട​ർ​ന്നാ​ണ്​ ഹ​ര​ജിയുമായി വീണ്ടും ഹൈക്കോടതിയെ സമീപിച്ചത്.

പെ​ൺ​കു​ട്ടി മു​തി​ർ​ന്ന​തോ​ടെ തി​രു​വ​ന​ന്ത​പു​ര​ത്തെ സ്വാ​ദ​ർ ഹോ​മി​ലേ​ക്ക് മാ​റ്റി​യെ​ന്നും മാ​താ​പി​താ​ക്ക​ൾ​ക്ക്​ ത​ന്നോ​ടൊ​പ്പം ക​ഴി​യാ​ൻ ഇ​ഷ്ട​മി​ല്ലാ​ത്ത​തി​നാ​ലാ​ണ് ഇ​വി​ടെ ക​ഴി​യു​ന്ന​തെ​ന്നുമാ​ണ്​ പെ​ൺ​കു​ട്ടി പ​റ​ഞ്ഞ​തെ​ന്നും​ സ​ർ​ക്കാ​ർ അ​ഭി​ഭാ​ഷ​ക കോ​ട​തി​യെ അ​റി​യി​ച്ചു. തു​ട​ർ​ന്നാ​ണ് ജി​ല്ലാ ലീ​ഗ​ൽ സ​ർ​വീസസ് അ​തോ​റി​റ്റി സെ​ക്ര​ട്ട​റി​യോ​ട് പെ​ൺ​കു​ട്ടി​യു​മാ​യി സം​സാ​രി​ച്ച്​ റി​പ്പോ​ർ​ട്ട്​ ന​ൽ​കാ​ൻ ഉ​ത്ത​ര​വി​ട്ട​ത്.

മ​ക​ൾ ചി​ല​പ്പോ​ൾ അ​ക്ര​മ​സ്വ​ഭാ​വം കാ​ണി​ക്കു​ന്ന​താ​യി ​ശി​ശു​ക്ഷേ​മ സ​മി​തി ചെ​യ​ർ​പേ​ഴ്‌​സ​ന്​ ന​ൽ​കി​യ അ​പേ​ക്ഷ​യി​ൽ ഹ​ര​ജി​ക്കാ​ര​ൻ വ്യ​ക്ത​മാ​ക്കി. ത​ങ്ങ​ൾ ദ​ത്തെ​ടു​ക്കു​ന്ന​തി​ന്​ മു​മ്പ് മ​റ്റൊ​രു ഉ​ത്ത​രേ​ന്ത്യ​ൻ കു​ടും​ബം കു​ട്ടി​യെ ദ​ത്തെ​ടു​ത്ത​താ​ണെ​ന്നും അ​വ​ർ അ​ത്​ റ​ദ്ദാ​ക്കി ആ​ശ്ര​മ​ത്തി​ൽ തി​രി​ച്ചെ​ത്തി​ച്ച​താ​ണെ​ന്നും കു​ട്ടി പ​ല​ത​വ​ണ പ​റ​ഞ്ഞി​ട്ടു​​ണ്ടെ​ന്നും ഹ​ര​ജി​ക്കാ​ർ വ്യ​ക്ത​മാ​ക്കി.