26
Jan 2026
Thu
Dhurandhar ആദിത്യ ധര് സംവിധാനം ചെയ്ത് രണ്വീര് സിംഗ് പ്രധാന വേഷത്തിലെത്തിയ ‘ദുരന്ധര്’ ബോക്സ് ഓഫീസില് പുതിയ ചരിത്രം കുറിക്കുന്നു. പുറത്തിറങ്ങി 33 ദിവസങ്ങള് പിന്നിടുമ്പോള്, ചിത്രം ഹിന്ദിയില് മാത്രം 831.40 കോടി (നെറ്റ് കളക്ഷന്) നേടി. ഇതോടെ 2026 ജനുവരി 7-ന്, ‘പുഷ്പ 2’ കൈവരിച്ച 830 കോടിയുടെ റെക്കോര്ഡ് ഈ ചിത്രം മറികടന്നു.
 |
|
വെറുമൊരു ബ്ലോക്ക്ബസ്റ്റര് എന്നതിലുപരി ഇന്ത്യന് സിനിമയുടെ ചട്ടക്കൂടുകള് തന്നെ മാറ്റിവരയ്ക്കുന്ന ഒരു അത്ഭുതമായി മാറിയിരിക്കുകയാണ് ‘ദുരന്ധര്’. പുറത്തിറങ്ങി ഒരു മാസം പിന്നിട്ടിട്ടും രണ്വീര് സിംഗ് നായകനായ ഈ ആക്ഷന് ചിത്രം തീയറ്ററുകളില് തരംഗം സൃഷ്ടിക്കുകയാണ്. ആഗോളതലത്തില് 1,300 കോടി രൂപ എന്ന നാഴികക്കല്ലിലേക്ക് അടുക്കുന്ന ചിത്രം, ഒരൊറ്റ ഭാഷയില് (ടശിഴഹല ഘമിഴൗമഴല) മാത്രം പുറത്തിറങ്ങി ഏറ്റവും കൂടുതല് കളക്ഷന് നേടുന്ന ഇന്ത്യന് സിനിമ എന്ന ചരിത്രനേട്ടം സ്വന്തമാക്കി.
2025 ഡിസംബര് 5-ന് റിലീസ് ചെയ്ത ആദിത്യ ധര് ചിത്രം, അസാമാന്യമായ ജനപ്രീതിയാണ് നിലനിര്ത്തുന്നത്. റിലീസിന് ശേഷം വന്ന ‘ഇക്കിസ്’ (കസസശ)െ, ‘തു മേരി മേന് തേരാ’ തുടങ്ങിയ വന്കിട ചിത്രങ്ങളെപ്പോലും പിന്തള്ളിക്കൊണ്ടാണ് ദുരന്ധറിന്റെ ജൈത്രയാത്ര. സാധാരണയായി വലിയ ചിത്രങ്ങള് ആദ്യ ആഴ്ചകള്ക്ക് ശേഷം മന്ദഗതിയിലാകാറാണ് പതിവ്, എന്നാല് എല്ലാ പ്രവചനങ്ങളെയും കാറ്റില്പ്പറത്തിക്കൊണ്ട് ഈ ചിത്രം കാണികളെ തീയറ്ററുകളിലേക്ക് ആകര്ഷിച്ചുകൊണ്ടിരിക്കുന്നു.
Dhurandhar പ്രധാന നേട്ടങ്ങള്
1,240 കോടി ക്ലബ്ബില്: ഹിന്ദിയില് മാത്രം റിലീസ് ചെയ്തിട്ടും ആഗോളതലത്തില് ചിത്രം ഇതുവരെ 1,240 കോടി രൂപ നേടിക്കഴിഞ്ഞു. ഒരു ഇന്ത്യന് സിംഗിള്-ലാംഗ്വേജ് ചിത്രം ഇത്രയും വലിയ തുക നേടുന്നത് ഇതാദ്യമായാണ്.
മള്ട്ടി-ലാംഗ്വേജ് ചിത്രങ്ങളെ പിന്നിലാക്കി: ‘ജവാന്’, ‘കെജിഎഫ്: ചാപ്റ്റര് 2’ തുടങ്ങിയ ചിത്രങ്ങള് 1,000 കോടി കടന്നത് വിവിധ പ്രാദേശിക ഭാഷകളിലെ റിലീസിലൂടെയായിരുന്നു. എന്നാല് മറ്റു ഭാഷകളുടെ പിന്തുണയില്ലാതെ തന്നെ ഈ നേട്ടം കൈവരിക്കുന്ന ആദ്യ ഇന്ത്യന് സിനിമയായി ദുരന്ധര് മാറി.
ALSO READ: Kalamkaval OTT Release Date തിയേറ്ററുകളില് തകര്ത്താടിയ കളങ്കാവല് ഇനി ഒടിടിയിലേക്ക്
ഇന്ത്യന് ബോക്സ് ഓഫീസ്: ജനുവരി 7-ന് മാത്രം 5.70 കോടി രൂപ കൂടി നേടിയതോടെ, ഇന്ത്യയിലെ മൊത്തം കളക്ഷന് 831.40 കോടി രൂപയായി ഉയര്ന്നു.
ഭാവി പദ്ധതികള് (Dhurandhar 2)
ചിത്രം ഹിന്ദിയില് മാത്രമാണ് റിലീസ് ചെയ്തതെങ്കിലും ദക്ഷിണേന്ത്യന് സംസ്ഥാനങ്ങളിലും വലിയ സ്വീകാര്യതയാണ് ലഭിച്ചത്. ഈ ആവേശം കണക്കിലെടുത്ത്, ചിത്രത്തിന്റെ രണ്ടാം ഭാഗമായ ‘ദുരന്ധര് 2’, 2026-ലെ ഈദ്, വിഷു കാലയളവില് അഞ്ച് ഭാഷകളിലായി പാന്-ഇന്ത്യന് തലത്തില് റിലീസ് ചെയ്യുമെന്ന് അണിയറപ്രവര്ത്തകര് ഔദ്യോഗികമായി പ്രഖ്യാപിച്ചു.
ഇന്ത്യന് സിനിമാ ചരിത്രത്തില് ഒരു നാഴികക്കല്ലായി മാറിയ ദുരന്ധര്, 1,300 കോടി എന്ന ലക്ഷ്യത്തിലേക്ക് അതിവേഗം കുതിക്കുകയാണ്. ബോക്സ് ഓഫീസില് വെറുമൊരു വിജയം നേടുക മാത്രമല്ല, ഇന്ത്യന് സിനിമയുടെ വിപണി സാധ്യതകളെ ഈ ചിത്രം മാറ്റിമറിച്ചിരിക്കുന്നു.
രണ്വീര് സിംഗിനൊപ്പം അക്ഷയ് ഖന്ന, സഞ്ജയ് ദത്ത്, ആര്. മാധവന്, അര്ജുന് രാംപാല് എന്നിവര് അണിനിരക്കുന്നു. റോ (RAW) ഏജന്റുമാരുടെ സാഹസികമായ ഒരു ദൗത്യത്തെ ആസ്പദമാക്കി ഒരുക്കിയ ഈ ചിത്രം ജിയോ സ്റ്റുഡിയോസാണ് നിര്മ്മിച്ചിരിക്കുന്നത്. രാജ്യത്തിനായി ജീവന് ബലിനല്കിയ മുന്നണി പോരാളികള്ക്കുള്ള ആദരമായാണ് ചിത്രം ഒരുക്കിയിരിക്കുന്നത്.
ഭയമില്ലാത്ത ആവിഷ്കാരം എന്ന് വിവേക് ഒബ്റോയി ചിത്രത്തെ പുകഴ്ത്തിയപ്പോള്, ഇന്ത്യന് സിനിമയിലെ ഒരു നാഴികക്കല്ല് എന്ന് വിശേഷിപ്പിച്ചുകൊണ്ട് എതിരാളികളായ യഷ് രാജ് ഫിലിംസും (YRF) അണിയറപ്രവര്ത്തകരെ അഭിനന്ദിച്ചു.
Latest News
Trending
More Stories
All Rights Reserved © 2022