​ഗോവയിലെ 11 കോൺ​ഗ്രസ് എംഎൽഎമാരിൽ 8 പേരും ബിജെപിയിൽ ചേർന്നു

​ഗോവയിലെ ആകെയുള്ള 11 കോൺ​ഗ്രസ് എംഎൽഎമാരിൽ 8 പേരും ബിജെപിയിൽ ചേർന്നു. ഇതോടെ നിയമസഭയിലെ പ്രതിപക്ഷമായ കോൺ​ഗ്രസ് എംഎൽഎമാരുടെ എണ്ണം കേവലം മൂന്നായി ചുരുങ്ങി. മൂന്നിൽ രണ്ട് എംഎൽഎമാരും മറ്റുപാർട്ടിയിൽ ചേർന്നതിനാൽ ഇവരെ അയോ​ഗ്യരാക്കാൻ കോൺ​ഗ്രസിനാവില്ല. മുതിർന്ന നേതാക്കളായ ​ദി​ഗംബർ കാമത്ത്, മൈക്കൽ ലോബോ എന്നിവരുടെ നേതൃത്വത്തിലുള്ള സംഘമാണ് ബിജെപിയിൽ ചേർന്നിരിക്കുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

 രാഹുൽ ​ഗാന്ധിയുടെ ഭാരത് ജോഡോ യാത്ര പുരോ​ഗമിക്കുന്നതിനിടെയാണ് ​ഗോവയിൽ പാർട്ടിക്ക് കനത്ത തിരിച്ചടിയായി എംഎൽഎമാർ കൂട്ടത്തോടെ ബിജെപിയിൽ ചേർന്നതെന്നതും ശ്രദ്ധേയമായി. കേന്ദ്രഏജൻസികളെ കാട്ടിയും ​ഗുണ്ടകളെ വിട്ടുമൊക്കെയുള്ള ബിജെപിയുടെ ഭീഷണിയാണ് എംഎൽഎമാരുടെ ബിജെപി ചേരലിനു പിന്നിലെന്ന് കോൺ​ഗ്രസ് വക്താവ് പവൻ ഖേര പറഞ്ഞു.