മകളുടെ ഭാവിവരന്റെ കുടുംബത്തോട് 40 ലക്ഷം രൂപ ആവശ്യപ്പെട്ട ശേഷം മകളെ കോളജിൽ കയറി കുത്തിവീഴ്ത്തി പിതാവ്

മകളുടെ ഭാവിവരന്റെ കുടുംബത്തോട് 40 ലക്ഷം രൂപ ആവശ്യപ്പെട്ട ശേഷം കോളജ് പ്രഫസറായ മകളെ കോളജിൽ കയറി കുത്തിവീഴ്ത്തി പിതാവ്. ബം​ഗളുരുവിലാണ് സംഭവം. സ്വകാര്യ കോളജിലെ അസിസ്റ്റൻ്റ് പ്രഫസ‍ർ ലക്ഷ്മി ദുർ​ഗയ്ക്കാണ് കുത്തേറ്റത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കാർ ഡ്രൈവറായി ജോലി ചെയ്യുന്ന നാ​ഗേന്ദ്രയാണ് മകളെ ആക്രമിച്ചത്. മകളുടെ വിദ്യാഭ്യാസത്തിനായി തനിക്കു വൻ തുക ചെലവായിട്ടുണ്ടെന്നും മകളുടെ ശമ്പളം തനിക്കു നൽകണമെന്നും നാ​ഗേന്ദ്രൻ ആവശ്യപ്പെട്ടിരുന്നു. എന്നാൽ ഈ ആവശ്യം മകളും നാ​ഗേന്ദ്രന്റെ ഭാര്യയും നിരാകരിച്ചു.

ഇതിനിടെ ലക്ഷ്മിക്ക് ഒരു വിവാഹാലോചനയെത്തി. ഇവരോട് 40 രൂപ തനിക്കു നൽകിയാലേ മകളെ വിവാഹം കഴിപ്പിച്ചു നൽകുകയുള്ളൂ എന്ന് നാ​ഗേന്ദ്രൻ പറയുകയുണ്ടായി. ഇതേച്ചൊല്ലിയും വീട്ടിൽ വഴക്കുണ്ടായി.

കഴിഞ്ഞദിവം ഉച്ചകഴിഞ്ഞ മൂന്നോടെ നാ​ഗേന്ദ്രൻ മകൾ ചോദ്യം ചെയ്യുന്ന കോളജിലെത്തുകയും വകുപ്പ് മേധാവിയുടെ ചേംബറിൽ കയറി മകളെ കുത്തിവീഴ്ത്തുകയുമായിരുന്നു. ​ദുർ​ഗയുടെ കഴുത്തിലും നെഞ്ചിലുമാണ് കുത്തേറ്റത്. യുവതി ആശുപത്രിയിൽ ചികിൽസയിലാണ്.

ALSO READ: കുറഞ്ഞ ചെലവിൽ പട്ടായ കാണാൻ പോയ മൂന്ന് യുവാക്കളെ ബന്ദികളാക്കി പീഡിപ്പിച്ചു

News Tag Live യുട്യൂബ് ചാനല്‍ Subscribe ചെയ്യുക