എഐസിസി മുൻ അം​ഗം സി​മി റോ​സ്ബെ​ൽ ജോണിനെ കോ​ൺ​ഗ്ര​സി​ൽ നി​ന്ന് പു​റ​ത്താ​ക്കി

തി​രു​വ​ന​ന്ത​പു​രം: എ​ഐ​സി​സി മു​ൻ അം​ഗം സി​മി റോ​സ്ബെ​ൽ ജോ​ണി​നെ കോ​ൺ​ഗ്ര​സി​ൽ നി​ന്ന് പു​റ​ത്താ​ക്കി. പാ​ർ​ട്ടി​യി​ൽ അ​വ​സ​ര​ങ്ങ​ൾ ല​ഭി​ക്ക​ണ​മെ​ങ്കി​ൽ ചൂ​ഷ​ണ​ങ്ങ​ൾ​ക്ക് നി​ന്നു കൊ​ടു​ക്ക​ണ​മെ​ന്ന് സ്വ​കാ​ര്യ ചാ​ന​ൽ അ​ഭി​മു​ഖ​ത്തി​ൽ ആരോപണമുന്നയിച്ചതിനു പിന്നാലെയാണ് നടപടി. സിനിമാ മേഖലയിൽ നടിമാരടക്കം ലൈം​ഗിക ചൂഷണത്തിന് ഇരയാവുന്നുവെന്ന ആരോപണങ്ങൾ അടങ്ങിയ ഹേമ കമ്മിറ്റി റിപോർട്ട് ചർച്ചയാവുന്നതിനിടെയായിരുന്നു സിമി റോസ്ബെൽ പാർട്ടി നേതൃത്വത്തിനെതിരേ രം​ഗത്തുവന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കെ​പി​സി​സി പ്ര​സി​ഡ​ൻറ് അ​ട​ക്കം മ​റ്റു നേ​താ​ക്ക​ളു​ടെ പി​ന്തു​ണ ഉ​ണ്ടാ​യി​ട്ടും പാ​ർ​ട്ടി ഭാ​ര​വാ​ഹി​ത്വ​ത്തി​ലേ​ക്ക് വ​രാ​ൻ വി ​ഡി ​സ​തീ​ശ​ൻ അ​നു​വ​ദി​ക്കു​ന്നി​ല്ലെ​ന്നടക്കമുള്ള ആരോപണങ്ങ​ളാണ് സിമി റോസ്ബെൽ ജോൺ ഉയർത്തിയത്.

ഇതിനു പിന്നാലെ സ്ത്രീ​ത്വ​ത്തെ അ​ധി​ക്ഷേ​പി​ച്ച സി​മി​യെ പാർട്ടിയിൽ നിന്ന് പു​റ​ത്താ​ക്ക​ണ​മെ​ന്ന് ആ​വ​ശ്യ​പ്പെ​ട്ട് കെ​പി​സി​സി അ​ധ്യ​ക്ഷ​ൻ കെ സു​ധാ​ക​ര​നും എ​ഐ​സി​സി ജ​ന​റ​ൽ സെ​ക്ര​ട്ട​റി ദീ​പാ​ദാ​സ് മു​ൻ​ഷി​ക്കും വ​നി​താ നേ​താ​ക്ക​ളാ​യ ഷാ​നി​മോ​ൾ ഉ​സ്മാ​ൻ, ബി​ന്ദു കൃ​ഷ്ണ, പി.​കെ.ജ​യ​ല​ക്ഷ്മി, ദീ​പ്തി മേ​രി വ​ർ​ഗീ​സ്, ആ​ലി​പ്പ​റ്റ ജ​മീ​ല, കെ.​എ.തു​ള​സി, ജെ​ബി മേ​ത്ത​ർ എം​പി എ​ന്നി​വർ പരാതി നൽകുകയും ചെയ്തു.

രാ​ഷ്ട്രീ​യ ശ​ത്രു​ക്ക​ളു​ടെ ഒ​ത്താ​ശ​യോ​ടെ കോ​ൺ​ഗ്ര​സ് പ്ര​സ്ഥാ​ന​ത്തി​ലെ ല​ക്ഷ​ക്ക​ണ​ക്കി​ന് വ​നി​താ നേ​താ​ക്ക​ളെ​യും പ്ര​വ​ർ​ത്ത​ക​രെ​യും മാ​ന​സി​ക​മാ​യി ത​ക​ർ​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് സി​മി റോ​സ് ബെ​ൽ ജോ​ൺ ആ​ക്ഷേ​പം ഉ​ന്ന​യി​ച്ച​തെ​ന്ന് നടപടി വ്യക്തമാക്കി കെ​പി​സി​സി ഇ​റ​ക്കി​യ വാ​ർ​ത്താ​ക്കു​റി​പ്പി​ൽ പ​റ​യു​ന്നു.

News Tag Live യുട്യൂബ് ചാനല്‍ Subscribe ചെയ്യുക