എ​ഐ കാ​മ​റ വിവാദം കൊഴുക്കുന്നതിനിടെ പിഴ ചുമത്തുന്നതിൽ നിന്ന് സർക്കാർ പിന്നോട്ട്

തി​രു​വ​ന​ന്ത​പു​രം: മെ​യ് 20 മു​ത​ൽ ​ഗതാ​ഗത നി​യ​മ​ലം​ഘ​ന​ങ്ങ​ൾ​ക്ക് പി​ഴ ഈ​ടാ​ക്കു​മെ​ന്ന സ​ർ​ക്കാ​ർ പ്ര​ഖ്യാ​പ​നം ന​ട​ക്കി​ല്ല. എഐ കാമറ പദ്ധതിക്കെതിരേ പ്ര​തി​പ​ക്ഷം രം​ഗ​ത്തു​വ​രി​ക​യും അ​ഴി​മ​തി ആ​രോ​പ​ണം ഉ​ന്ന​യി​ക്കു​ക​യും ചെ​യ്യുന്നതിനിടെ സർക്കാരിന്റെ പിന്നോട്ട് പോക്ക്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എഐ കാമറകൾ സ്ഥാപിച്ചതിൽ അഴിമതിയുണ്ടെന്ന പ്രതിപക്ഷ ആരോപണത്തിനെതിരെ സ​ർ​ക്കാ​ർ അ​ന്വേ​ഷ​ണം പ്ര​ഖ്യാ​പി​ച്ചിട്ടുണ്ട്. എ​ന്നാ​ൽ ജു​ഡീ​ഷ​ൽ അ​ന്വേ​ഷ​ണം വേ​ണ​മെ​ന്ന ഉറച്ച നിലപാടിലാണ് പ്ര​തി​പ​ക്ഷം. മതിയായ പ്രവര്ത്തന പരിചയമില്ലാത്ത സ്ഥാപനത്തിന് കെല്ട്രോള് എ ഐ കാമറയുടെ ഉപകരാര് നല്കിയതും എഐ കാമറ സ്ഥാപിച്ചതിന് വന് തുക കാണിച്ചതുമൊക്കെയാണ് എതിര്പ്പിനു കാരണം.

കെ​ൽ​ട്രോ​ണും മോ​ട്ടോ​ർ വാ​ഹ​ന​വ​കു​പ്പും ത​മ്മി​ൽ ഉ​ട​ൻ ധാ​ര​ണാ​പ​ത്രം ഒ​പ്പി​ടുന്നതിലുള്ള ആശയക്കുഴപ്പമാണ് പദ്ധതി വൈകിപ്പിക്കുന്നതിന് മറ്റൊരു കാരണം. ഏ​പ്രി​ൽ 20 മു​ത​ൽ എ​ഐ കാ​മ​റ​ക​ൾ നി​യ​മ​ലം​ഘ​ന​ങ്ങ​ൾ​ക്ക് പി​ഴ ചു​മ​ത്തു​മെ​ന്ന് പ്ര​ഖ്യാ​പി​ച്ചാ​ണ് നേ​ര​ത്തെ പ​ദ്ധ​തി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്ത​ത്. എ​ന്നാ​ൽ ബോധവൽക്കരണം നടത്താതെ നേരിട്ട് പിഴ ചുമത്തുന്നതിനെതിരേ എതിർപ്പുയർന്നു. ഇതോടെ മെയ് 20 മുതൽ പിഴ ചുമത്താമെന്നും അതുവരെ ബോധവൽക്കരണ നോട്ടിസുകൾ അയയ്ക്കാമെന്നും ധാരണയായി.

എന്നാൽ നിയമലംഘകർക്ക് ബോധവൽക്കരണ നോട്ടിസ് അ​യ​യ്ക്കു​ന്നതിലുണ്ടാവുന്ന ഭാരിച്ച ചെ​ല​വ് ആ​ര് വ​ഹി​ക്കു​മെ​ന്നതിൽ കെൽട്രോണും മോട്ടോർ വാഹനവകുപ്പും തമ്മിൽ ധാരണയിലെത്താനായില്ല. നോട്ടിസ് അയയ്ക്കൽ നടക്കാതിരുന്നതോടെ പിഴ ചുമത്തിത്തുടങ്ങുന്ന ദിവസം തീരുമാനിക്കാനും കഴിയാതെ വന്നിരിക്കുകയാണ്.

News Tag Live യുട്യൂബ് ചാനല്‍ Subscribe ചെയ്യുക