സാഫ് ചാമ്പ്യൻഷിപ്പ് 2026 ഫൈനലിൽ പാകിസ്താനെ 2-1ന് തോൽപ്പിച്ച് ഇന്ത്യക്ക് കിരീടം. ഇതോടെ റെക്കോർഡ് പത്താം തവണയാണ് ഇന്ത്യ സാഫ് ചാമ്പ്യൻഷിപ്പ് സ്വന്തമാക്കുന്നത്. തുടർച്ചയായ മൂന്നാം തവണയാണ് ഇന്ത്യ കിരീടം നേടുന്നത്.
|
ആദ്യ പകുതിയുടെ അവസാന നിമിഷത്തിൽ അലംഗീർ ഗാസിയുടെ മനോഹരമായ ഷോട്ടിലൂടെ പാകിസ്താനാണ് ആദ്യം ഗോൾ നേടിയത്. ഇതോടെ ഇന്ത്യ 0-1ന് പിന്നിലായി.
രണ്ടാം പകുതിയിൽ പാകിസ്താൻ പ്രതിരോധ താരം ജുനൈദ് ഷാ ചുവപ്പുകാർഡ് കണ്ട് പുറത്തായതോടെ ഇന്ത്യക്ക് മത്സരത്തിൽ തിരിച്ചുവരാനുള്ള അവസരം ലഭിച്ചു. ഈ അവസരം മുതലെടുത്ത ഇന്ത്യക്കായി സുഹൈൽ അഹമ്മദ് ഭട്ട് സമനില ഗോൾ നേടി.
മത്സരം സമനിലയിൽ അവസാനിക്കുമെന്ന് കരുതിയിരിക്കെ 88-ാം മിനിറ്റിൽ സന്ദീപ് മാണ്ടി ഹെഡറിലൂടെ ഇന്ത്യയുടെ വിജയഗോൾ നേടി. ഇതോടെ ഇന്ത്യ 2-1ന്റെ ആവേശകരമായ വിജയം സ്വന്തമാക്കി.
അണ്ടർ 23 താരങ്ങളടക്കം ഉൾപ്പെട്ട രണ്ടാംനിര ടീമുമായാണ് ഇന്ത്യ ടൂർണമെന്റിൽ പങ്കെടുത്തത്. എന്നിട്ടും ടൂർണമെന്റിലെ എല്ലാ മത്സരങ്ങളും വിജയിച്ചാണ് ഇന്ത്യ കിരീടത്തിൽ മുത്തമിട്ടത്.
News Tag Live യുട്യൂബ് ചാനല് Subscribe ചെയ്യുക



