ഇന്‍ഡിഗോ വിമാനത്തില്‍ ആകാശത്ത് എഞ്ചിന്‍ തരാറാര്‍; അടിയന്തരമായി തിരിച്ചിറക്കി

ന്യൂഡല്‍ഹി: സാങ്കേതിക തകരാറിനെ തുടര്‍ന്ന് ഗോവയില്‍ നിന്നും ന്യൂഡല്‍ഹിയിലേക്ക് പുറപ്പെട്ട ഇന്‍ഡിഗോ വിമാനം ആകാശത്തുവെച്ച് യു-ടേണ്‍ എടുത്ത് അടിയന്തരമായി നിലത്തിറക്കി. ചൊവ്വാഴ്ച രാവിലെ 9:15-ന് ഗോവയിലെ മനോഹര്‍ അന്താരാഷ്ട്ര വിമാനത്താവളത്തില്‍ നിന്ന് പുറപ്പെട്ട 6E 2102 നമ്പര്‍ വിമാനത്തിലാണ് സംഭവം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വിമാനം പറന്നുയര്‍ന്നതിന് തൊട്ടുപിന്നാലെ എഞ്ചിനുകളിലൊന്നില്‍ സാങ്കേതിക തകരാര്‍ ശ്രദ്ധയില്‍പ്പെടുകയായിരുന്നു. തുടര്‍ന്ന് പൈലറ്റുമാര്‍ വിമാനം സുരക്ഷിതമായി തിരികെ ഗോവയില്‍ തന്നെ ലാന്‍ഡ് ചെയ്യിക്കുകയായിരുന്നു. ലാന്‍ഡിംഗ് സമയത്ത് മുന്‍കരുതല്‍ നടപടിയായി വിമാനത്താവളത്തില്‍ അടിയന്തരാവസ്ഥ പ്രഖ്യാപിച്ചിരുന്നു.

ALSO READ: പാകിസ്താനിൽ നൂറിലധികം വർഷം പഴക്കമുള്ള ഹിന്ദു ക്ഷേത്രം തകർത്ത് മദ്രസ വിപുലീകരിക്കാൻ ശ്രമമെന്ന് റിപ്പോർട്ട്; പ്രതിഷേധം ശക്തം

സാമാന്യ സുരക്ഷാ മാനദണ്ഡങ്ങള്‍ പാലിച്ചാണ് വിമാനം തിരികെ ഇറക്കിയതെന്നും യാത്രക്കാര്‍ക്ക് തടസ്സമില്ലാത്ത രീതിയില്‍ പകരം യാത്രാസൗകര്യങ്ങളും ഭക്ഷണവും ഏര്‍പ്പെടുത്തിയതായും ഇന്‍ഡിഗോ വ്യക്തമാക്കി. വിമാനം നിലവില്‍ സാങ്കേതിക പരിശോധനകള്‍ക്ക് വിധേയമായിക്കൊണ്ടിരിക്കുകയാണ്.

അതേസമയം, തിങ്കളാഴ്ച ദമാമില്‍ നിന്ന് ന്യൂഡല്‍ഹിയിലേക്ക് വരികയായിരുന്ന എയര്‍ ഇന്ത്യ എക്‌സ്പ്രസ് വിമാനത്തിന് ബോംബ് ഭീഷണിയെ തുടര്‍ന്ന് അഹമ്മദാബാദില്‍ അടിയന്തര ലാന്‍ഡിംഗ് നടത്തേണ്ടി വന്നിരുന്നു. വിമാനത്തിലെ ശുചിമുറിയില്‍ നിന്ന് ‘BOMB’ എന്നെഴുതിയ ടിഷ്യൂ പേപ്പര്‍ കണ്ടെത്തിയതിനെ തുടര്‍ന്നായിരുന്നു നടപടി. വിമാനത്തിലുണ്ടായിരുന്ന 32 യാത്രക്കാരെയും സുരക്ഷിതമായി പുറത്തെത്തിച്ചു.

Tags: IndiGo Flight Emergency Landing, Goa Delhi IndiGo Flight, Flight Engine Snag, Aviation News Malayalam, National News Malayalam, Goa Airport Emergency Landing

News Tag Live യുട്യൂബ് ചാനല്‍ Subscribe ചെയ്യുക