മലപ്പുറം സ്വദേശി ഹൃദയാഘാതത്തെ തുടര്‍ന്ന് സൗദിയില്‍ മരിച്ചു

മലപ്പുറം സ്വദേശി ഹൃദയാഘാതത്തെ തുടര്‍ന്ന് സൗദിയിലെ ദമ്മാമില്‍ മരിച്ചു. താനൂര്‍ ഒഴൂര്‍ മണലിപ്പുഴ സ്വദേശി മുഹമ്മദ് കുട്ടി-ഖദീജ ദമ്പതികളുടെ മകന്‍ ഷിഹാബ് പറപ്പാറ(39)യാണ് ദമ്മാമിലെ ജോലിസ്ഥലത്ത് വച്ച് മരിച്ചത്. ഇപ്പോള്‍ കല്ലത്താണിയിലാണ് താമസം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ദമ്മാം സെക്കന്‍ഡ് ഇന്‍ഡസ്ട്രിയല്‍ സിറ്റിയിലെ അല്‍ ആന്‍ഡലസ് അലുമിനിയം എക്‌സ്ട്രൂഷന്‍ ആന്‍ഡ് ഫോര്‍മിങ് ഫാക്ടറി കമ്പനിയില്‍ ഓഫിസ് ബോയി ആയി ജോലി ചെയ്യുകയായിരുന്നു. ഭാര്യ: റഹീന. മക്കള്‍: റിഫാന, ഷിഫാന, ആയിഷ ഹുസ്‌ന.

നിയമ നടപടിക്രമങ്ങള്‍ പൂര്‍ത്തിയാക്കി മൃതദേഹം ദമ്മാമില്‍ മറവുചെയ്യും. അല്‍ ഖോബാര്‍ കെ.എം.സി.സി പ്രസിഡന്റ് ഇഖ്ബാല്‍ ആനമങ്ങാട്, വെല്‍ഫെയര്‍ വിഭാഗം കണ്‍വീനര്‍ ഹുസ്സൈന്‍ നിലമ്പൂര്‍ എന്നിവരുടെ നേതൃത്വത്തിലാണ് നിയമനടപടികള്‍ പൂര്‍ത്തീകരിച്ചത്.

News Tag Live യുട്യൂബ് ചാനല്‍ Subscribe ചെയ്യുക