വിവാദ പ്രസം​ഗം: കെ എം ഷാ​ജി​യു​ടെ വി​ശ​ദീ​ക​ര​ണം തൃ​പ്തി​ക​രമെന്ന് മു​സ്‌​ലിം ലീ​ഗ്

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വിവാദ പ്രസംഗങ്ങളില്‍ സംസ്ഥാന സെക്രട്ടറി കെ എം ഷാജി നൽകിയ വിശദീകരണം തൃപ്തികരമെന്ന് മുസ് ലിം ലീ​ഗ്. പാർട്ടി നിർദേശപ്രകാരം സാദിഖലി ശിഹാബ് തങ്ങളുടെ വസതിയിലെത്തിയാണ് കെ എം ഷാജി വിവാദപ്രസം​ഗങ്ങൾ സംബന്ധമായ വിശദീകരണം നൽകിയത്.  

വി​ഷ​യ​ത്തി​ല്‍ ഷാ​ജി വി​ശ​ദീ​ക​ര​ണം ന​ല്‍​കി​യെ​ന്നും അ​ദ്ദേ​ഹ​ത്തി​ന്‍റെ വി​ശ​ദീ​ക​ര​ണം തൃ​പ്തി​ക​ര​മൊ​ണെ​ന്നും ലീ​ഗ് സം​സ​ഥാ​ന അ​ധ്യ​ക്ഷ​ന്‍ സാ​ദി​ഖ​ലി ശി​ഹാ​ബ് ത​ങ്ങ​ള്‍ മാ​ധ്യ​മ​ങ്ങ​ളോ​ട് പ​റ​ഞ്ഞു. ഷാ​ജി​യോ​ട് പ​റ​യാ​നു​ള്ള​തെ​ല്ലാം പ​റ​ഞ്ഞെ​ന്നും പ്ര​സം​ഗ​ത്തി​ല്‍ സൂ​ക്ഷ്മ​ത പു​ല​ര്‍​ത്ത​ണ​മെ​ന്ന് അ​ദ്ദേഹ​ത്തെ അ​റി​യി​ച്ചു​വെ​ന്നും ത​ങ്ങ​ള്‍ വ്യ​ക്ത​മാ​ക്കി.

ഈ മാസം ഒന്‍പതിന് ജിദ്ദയിലെ പരിപാടിയില്‍ കുഞ്ഞാലിക്കുട്ടിക്കെതിരെ നടത്തിയ പരോക്ഷ വിമര്‍ശനങ്ങളാണ് കെ എം ഷാജിയുമായുള്ള ലീഗിന്റെ പുതിയ വിവാദങ്ങളുടെ തുടക്കം. പ്രവര്‍ത്തക സമിതിയില്‍ കുഞ്ഞാലിക്കുട്ടി അനുകൂലികള്‍ ഷാജിക്കെതിരേ നടപടി വേണമെന്ന് ആവശ്യപ്പെട്ടതിന് പിന്നാലെയാണ് പാർട്ടി വിശദീകരണം തേടിയത്. 

വിമര്‍ശനങ്ങള്‍ പൊതുവേദിയില്‍ പറഞ്ഞ കെ.എം.ഷാജിയോട് വിശദീകരണം തേടുമെന്ന് ലീഗ് സംസ്ഥാന അധ്യക്ഷന്‍ സാദിഖലി ശിഹാബ് തങ്ങള്‍ വ്യക്തമാക്കിയിരുന്നു. പരസ്യമായ അഭിപ്രായ പ്രകടനം ശരിയല്ല. വിമര്‍ശനങ്ങള്‍ ഉന്നയിക്കേണ്ടത് പാര്‍ട്ടി വേദികളിലാണെന്നും സാദിഖലി തങ്ങള്‍ പറഞ്ഞിരുന്നു.