ജിസിസി രാജ്യങ്ങളിലെ ഇന്ത്യക്കാരുടെ എണ്ണം 90 ലക്ഷം കടന്നു

ജിസിസി രാജ്യങ്ങളിൽ താമസിക്കുന്ന ഇന്ത്യക്കാരുടെ എണ്ണം 90 ലക്ഷം കടന്നു. വിദേശകാര്യ സഹമന്ത്രി കീർത്തി വർധൻ സിങ് പാർലമെന്റിൽ അറിയിച്ചതാണ് ഇക്കാര്യം. ധനകാര്യ സ്ഥാപനങ്ങൾ, ആരോ​ഗ്യരം​ഗം, ഐടി, എൻ‌ജിനീയറിങ്, ബാങ്കിങ്, ശുചീകരണം, വീട്ടുജോലി, ഇലക്ട്രീഷ്യൻ, പ്ലംബർ തുടങ്ങി ജോലികളാണ് ഇവർ ചെയ്യുന്നതെന്നും മന്ത്രി വ്യക്തമാക്കി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ജിസിസി രാജ്യങ്ങളിൽ ഇന്ത്യൻ തൊഴിൽ അന്വേഷകരുടെ പ്രിയപ്പെട്ട കേന്ദ്രം യുഎഇ ആണ്. ഇവിടെ 35.5 ലക്ഷത്തിലേറെ ഇന്ത്യക്കാരാണുള്ളത്. ഇതിനു ശേഷം സൗദിയാണ് ഇന്ത്യക്കാർ കൂടുതലുള്ള ജിസിസി രാജ്യം. സൗദിയിൽ 26.4 ലക്ഷം ഇന്ത്യക്കാരാണ് സൗദി അറേബ്യയിലുള്ളത്. കുവൈത്തിൽ 10 ലക്ഷത്തിലേറെ ഇന്ത്യക്കാരുണ്ട്. ഈ വർഷം ജൂൺ വരെ മാത്രം 180000 ഇന്ത്യക്കാർക്കാണ് വിദേശ കാര്യങ്ങളിലേക്ക് പോവാൻ ഇമി​ഗ്രേഷൻ അനുമതി നൽകിയതെന്നും മന്ത്രി വ്യക്തമാക്കി.

ആറ് ഗള്‍ഫ് രാജ്യങ്ങളിലും സഞ്ചരിക്കാവുന്ന ജിസിസി ഗ്രാന്‍ഡ് ടൂര്‍സ് വിസ ഈ വര്‍ഷം അവസാനത്തോടെ

ജിസിസിയില്‍ 5ജി ഡൗണ്‍ലോഡ് അപ് ലോഡ് വേഗതയില്‍ ഖത്തര്‍ ഒന്നാമത്