25
May 2025
Mon
മലപ്പുറം: നിലമ്പൂര് ഉപതിരഞ്ഞെടുപ്പില് ഉടക്കിട്ട് മുന് എംഎല്എ പി വി അന്വര്. യുഡിഎഫ് സ്ഥാനാര്ഥി നിര്ണയത്തില് തന്റെ താല്പര്യം പരിഗണിക്കാത്തതാണ് അന്വറിനെ ചൊടിപ്പിച്ചിരിക്കുന്നത്. യുഡിഎഫ് സ്ഥാനാര്ത്ഥിയായി ആര്യാടന് ഷൗക്കത്തിനെ തീരുമാനിച്ചാല് തൃണമൂല് കോണ്ഗ്രസ് സ്ഥാനാര്ത്ഥിയായി മല്സരിക്കാനാണ് അന്വറിന്റെ തീരുമാനം.
 |
|
പ്രദേശത്തെ മുസ്ലിം സംഘടനകള്ക്ക് ആര്യാടന് ഷൗക്കത്തിന്റെ സ്ഥാനാര്ത്ഥിത്വത്തോട് താല്പര്യമില്ലെന്ന് അന്വര് പറയുന്നു. അത് കൊണ്ട് തന്നെ ഷൗക്കത്തിന്റെ വിജയസാധ്യത കുറവാണ്. ഇക്കാര്യം പരിഗണിക്കണമെന്ന് അന്വര് യുഡിഎഫ് നേതൃത്വത്തോട് തുടര്ച്ചയായി ആവശ്യപ്പെട്ടുകൊണ്ടിരിക്കുകയാണ്.
ALSO READ: നിലമ്പൂരില് എസ്ഡിപിഐ നിലപാട് നാളെ; തീരുമാനം ദേശീയ കമ്മിറ്റിയില്
സ്ഥാനാര്ത്ഥിത്വത്തില് യുഡിഎഫ് ഒന്നുകൂടി ആലോചിക്കണമെന്ന് നേരത്തെ അന്വര് ചാനലിനോട് പറഞ്ഞിരുന്നു. വി എസ് ജോയിയെ നിര്ദേശിച്ചത് കുടിയേറ്റ കര്ഷകരെ പ്രതിനിധാനം ചെയ്യുന്ന വ്യക്തി എന്ന നിലയ്ക്കാണ്. കുടിയേറ്റ മലയോര കര്ഷകരുടെ പ്രശ്നങ്ങള് ഉന്നയിക്കാന് ജോയിക്ക് സാധിക്കും. വിഎസ് ജോയിയോട് പ്രത്യേക മമത ഇല്ലെന്നും അദ്ദേഹം കൂട്ടിച്ചേര്ത്തു.
ബിജെപിയുടെ വോട്ട് സിപിഐഎമ്മിലേക്ക് പോകാനാണ് സാധ്യത. അങ്ങിനെയെങ്കില് മത്സരം കടുക്കും. ജാതി മത സമവാക്യം മാത്രം വീക്ഷിച്ചാണ് സിപിഐഎം സ്ഥാനാര്ത്ഥിയെ നിശ്ചയിക്കുന്നത്. യുഡിഎഫ് ഒന്നുകൂടി ഗൃഹപാഠം ചെയ്യണം.
കോണ്ഗ്രസിനകത്തെ സമവാക്യത്തെക്കാളും പ്രാധാന്യം നല്കേണ്ടത് നിലമ്പൂര് മണ്ഡലത്തിലെ രാഷ്ട്രീയ സമവാക്യങ്ങള്ക്കാണ്. താന് യൂദാസ് അല്ലെന്ന് ഏറ്റവുമധികം അറിയുന്നത് ഗോവിന്ദന് മാഷിനാണ്. മുഖ്യമന്ത്രിയുടെ ഓഫീസ് എഴുതിക്കൊടുക്കുന്നത് പറയേണ്ട ഗതികേടിലാണ് പാര്ട്ടി സംസ്ഥാന സെക്രട്ടറിയെന്നും അന്വര് കൂട്ടിച്ചേര്ത്തു.
Latest News
More Stories
All Rights Reserved © 2022