അപേക്ഷ സ്വീകരിച്ച് 60 സെക്കന്റിനുള്ളിൽ വിസ അനുവദിക്കും; ഏകീകൃത വിസ പ്ലാറ്റ്ഫോമിന് തുടക്കംകുറിച്ച് സൗദി അറേബ്യ

ജിദ്ദ∙ അപേക്ഷ സ്വീകരിച്ച് 60 സെക്കന്‍റിനുള്ളിൽ വിസ അനുവദിക്കുന്ന ഏകീകൃത വിസ പ്ലാറ്റ്ഫോമുമായി സൗദി അറേബ്യ. റിയാദിൽ നടക്കുന്ന രണ്ടാമത് ഡിജിറ്റൽ ​ഗവൺമെന്റ് ഫോറത്തിലായിരുന്നു കെഎസ്എ വിസ(ksavisa.sa) എന്ന പ്ലാറ്റ്ഫോമിന് തുടക്കംകുറിച്ചത്. രാജ്യത്തേക്ക് കൂടുതൽ വിനോദസഞ്ചാരികളെ ആകർഷിക്കുന്നതിന്റെ ഭാ​ഗമായാണ് നടപടി. അടുത്തവർഷത്തോടെ രാജ്യത്തെ സർക്കാർ സേവനങ്ങൾ പൂർണമായും ഡിജിറ്റൽവൽക്കരിക്കുമെന്നും അധികൃതർ അറിയിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വിവിധ മന്ത്രാലയങ്ങൾ, അധികാരികൾ, സ്വകാര്യ മേഖല സ്ഥാപനങ്ങൾ എന്നിവയെ പുതിയ പ്ലാറ്റ്ഫോമുമായി ബന്ധപ്പെടുത്തിയിട്ടുണ്ട്. ഹജ്ജ്, ഉംറ, ടൂറിസം, ബിസിനസ് സന്ദർശന വിസകൾക്കും തൊഴിൽ വിസകൾക്കും അടക്കമുള്ള അപേക്ഷകൾ സമർപ്പിക്കുന്നതിനായുള്ള നടപടികക്രമങ്ങൾ കൂടുതൽ എളുപ്പത്തിലാക്കുന്നതിന് ഈ പോർട്ടൽ സഹായിക്കുമെന്നാണ് വിശദീകരണം.