സൗദിയില്‍ ബുള്ളറ്റ് ട്രെയിനുകള്‍ ഓടിക്കാന്‍ വനിതകളും; ആഘോഷമാക്കി സൗദി റെയില്‍വേ

രാജ്യത്തെ ബുള്ളറ്റ് ട്രെയിനുകൾ ഓടിക്കുന്നതിനുള്ള പരിശീലനത്തിന്റെ ആദ്യഘട്ടം വിജയകരമായി പൂർത്തിയാക്കിയ വനിതകളുടെ നേട്ടം ആഘോഷിച്ച് സൗദി അറേബ്യ. പരിശീലനം പൂർത്തിയാക്കിയ 32 വനിതകളുടെ വീഡിയോ പുതുവർഷ ദിനത്തിൽ സൗദി റെയിൽവേ പുറത്തുവിടുകയുണ്ടായി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സൗദി റെയിൽവേയുടെ ട്രെയിനുകൾ ഓടിക്കുന്ന ആദ്യ വനിതകളാവും ഇവർ. വിവിധ മേഖലകളിലായി 480 മണിക്കൂറിലേറെ സമയം ഇവർ പരിശീലനം പൂർത്തിയാക്കിയതായി ​ഗതാ​ഗത മന്ത്രി സാലിഹ് അൽ ജാസിർ പറഞ്ഞു.

32 قائدة سعودية ينطلقن بأقصى سرعة لتحقيق حلمهن الكبير في قيادة أحد أسرع قطارات العالم ليكنّ بذلك أولى دفعات #قائدات_قطار_الحرمين_السريع . pic.twitter.com/zWGA5DbsuT

— الخطوط الحديدية السعودية | SAR (@SARSaudiRailway) January 1, 2023

ഒരുവർഷം നീണ്ടുനിൽക്കുന്ന പരിശീലനം പൂർത്തിയാക്കുന്ന ഇവർ 453 കിലോമീറ്റർ ദൈർ​ഘ്യമുള്ള മക്ക-മദീന ന​ഗരങ്ങളെ ബന്ധിപ്പിക്കുന്ന ഹറമൈൻ അതിവേ​ഗ പാതയിലെ ബുള്ളറ്റ് ട്രെയിനുകൾ ഓടിക്കും. വരുംമാസങ്ങളിൽ തന്നെ ഇവർ ഹറമൈൻ ബുള്ളറ്റ് ട്രെയിനുകൾ ഓടിക്കുമെന്ന് മന്ത്രി വ്യക്തമാക്കി.