21
Jun 2026
Sun
നവി മുംബൈ: ന്യൂ പന്വേലില് പതിനേഴുകാരിയായ മകളെ കഴിഞ്ഞ പത്തുവര്ഷത്തോളമായി ലൈംഗികമായി പീഡിപ്പിച്ച 55-കാരനായ പിതാവ് അറസ്റ്റില്. ക്രൂരമായ പീഡനങ്ങളില് നിന്ന് എങ്ങനെ രക്ഷപെടണമെന്നും പോലീസില് എങ്ങനെ പരാതി നല്കണമെന്നും പെണ്കുട്ടി എഐ ചാറ്റ്ബോട്ട് ആയ ‘ചാറ്റ്ജിപിറ്റി’യോട് (ChatGPT) ചോദിച്ച് മനസ്സിലാക്കിയതാണ് പ്രതിയെ കുടുക്കാന് സഹായിച്ചത്.
 |
|
ബിഎന്എസ്, പോക്സോ നിയമപ്രകാരം കേസ്
ചാറ്റ്ജിപിടി നിര്ദ്ദേശിച്ച കുട്ടികള്ക്കായുള്ള ഹെല്പ്പ് ലൈന് നമ്പറില് പെണ്കുട്ടി ബന്ധപ്പെടുകയും, തുടര്ന്ന് ഹെല്പ്പ് ലൈന് അധികൃതര് പോലീസിനെ വിവരമറിയിക്കുകയുമായിരുന്നു. നവി മുംബൈയിലെ ഖാണ്ഡേശ്വര് പോലീസ് ജൂണ് 17-നാണ് പ്രതിക്കെതിരെ കേസ് രജിസ്റ്റര് ചെയ്തത്. ഭാരതീയ ന്യായ സംഹിത (BNS), പോക്സോ (POCSO) നിയമത്തിലെ വിവിധ വകുപ്പുകള് പ്രകാരമാണ് ന്യൂ പന്വേലില് വെല്ഡിങ് ഷോപ്പ് നടത്തുന്ന പ്രതിക്കെതിരെ കേസെടുത്തിരിക്കുന്നത്.
പീഡനം തുടങ്ങിയത് 2016 മുതല്
പോലീസിന്റെ എഫ്ഐആര് (FIR) പ്രകാരം പെണ്കുട്ടിക്ക് ഏഴ് വയസ്സുള്ളപ്പോള്, അതായത് 2016 മുതലാണ് പിതാവില് നിന്നുള്ള പീഡനം ആരംഭിക്കുന്നത്. ന്യൂ പന്വേലിലെ വീട്ടില് വെച്ച് ഇയാള് പെണ്കുട്ടിയെ നിരന്തരം ലൈംഗിക ചൂഷണത്തിന് ഇരയാക്കിയിരുന്നു. കുട്ടിക്കാലം മുതല് ക്രൂരമായ പീഡനങ്ങള്ക്കും മോശം പെരുമാറ്റങ്ങള്ക്കും ഇരയാകേണ്ടി വന്നതായും, വീട്ടില് വെച്ച് മറ്റ് മോശം പ്രവൃത്തികള് കാണാന് നിര്ബന്ധിതയായതായും പെണ്കുട്ടി പോലീസിനോട് പറഞ്ഞു.
ALSO WATCH
പെണ്കുട്ടിക്ക് പ്രായപൂര്ത്തിയായ ശേഷവും പീഡനം കൂടുതല് ശക്തമായി തുടരുകയായിരുന്നു. 2024-ല് വീട്ടില് ആരുമില്ലാതിരുന്ന സമയത്ത് പ്രതി മകളെ ക്രൂരമായി ലൈംഗികമായി പീഡിപ്പിച്ചു.
വര്ഷങ്ങളോളം ഭയം കാരണം പെണ്കുട്ടി ഈ ക്രൂരതകള് ആരോടും പറയാതെ സഹിക്കുകയായിരുന്നു. മൂന്ന് മക്കളില് ഏറ്റവും ഇളയവളാണ് ഈ പതിനേഴുകാരി. ഇവരുടെ അമ്മ വര്ഷങ്ങള്ക്ക് മുന്പ് കുട്ടികളെ ഉപേക്ഷിച്ചു പോയതാണ്. പിതാവിന്റെ കര്ശന നിയന്ത്രണത്തിലായിരുന്ന പെണ്കുട്ടിയെ, വീട്ടില് തനിച്ചാകുന്ന സമയങ്ങളിലെല്ലാം ഇയാള് ഉപദ്രവിച്ചിരുന്നതായി പോലീസ് ഉദ്യോഗസ്ഥര് വ്യക്തമാക്കി.
Teen Uses ChatGPT To Seek Help After Decade Of Sexual Abuse By Father
Latest News
More Stories
All Rights Reserved © 2022