ഗസയില്‍ ഇസ്രായേല്‍ സൈനികവാഹനം തലകീഴായി മറിഞ്ഞു; നിരവധി സൈനികര്‍ക്ക് പരിക്ക്; അഷ്‌ദോദിലേക്ക് റോക്കറ്റാക്രമണം

ഇന്ന് രാവിലെ വടക്കന്‍ ഗസയിലെ സൈനിക നടപടികള്‍ക്കിടെ ഇസ്രായേല്‍ അധിനിവേശ സേനയുടെ ഒരു സൈനിക വാഹനം മറിഞ്ഞ് പത്ത് സൈനികര്‍ക്ക് പരിക്കേറ്റു. പരിക്കേറ്റ സൈനികരെ ചികിത്സയ്ക്കായി ഇസ്രായേലിലെ ആശുപത്രിയിലേക്ക് മാറ്റി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അതിനിടെ, വടക്കന്‍ ഗാസ മുനമ്പില്‍ നിന്ന് ഇസ്രായേലിന്റെ തെക്കന്‍ തീരദേശ നഗരമായ അഷ്‌ദോദിലേക്ക് രണ്ട് റോക്കറ്റുകള്‍ തൊടുത്തുവിട്ടു. ഒരു റോക്കറ്റ് വ്യോമ പ്രതിരോധ സംവിധാനം തടഞ്ഞു. രണ്ടാമത്തെ റോക്കറ്റ് തുറന്ന പ്രദേശത്താണ് പതിച്ചതായും സൈന്യം അറിയിച്ചു.

അഷ്‌ദോദിന്റെ കിഴക്കന്‍ പ്രദേശങ്ങളിലും സമീപ പട്ടണങ്ങളിലും സൈറണുകള്‍ മുഴങ്ങിയ ഈ ആക്രമണത്തില്‍ പരിക്കുകളോ കാര്യമായ നാശനഷ്ടങ്ങളോ റിപ്പോര്‍ട്ട് ചെയ്യപ്പെട്ടിട്ടില്ല.

അടുത്ത കാലത്ത് ഗസയില്‍ നിന്നുള്ള റോക്കറ്റ് ആക്രമണങ്ങള്‍, പ്രത്യേകിച്ച് ഒന്നിലധികം റോക്കറ്റുകള്‍ ഉപയോഗിച്ചുള്ള ദീര്‍ഘദൂര ആക്രമണങ്ങള്‍, വളരെ കുറവാണ്. അവസാനമായി അഷ്‌ദോദിലേക്ക് റോക്കറ്റുകള്‍ തൊടുത്തുവിട്ടത് ഏപ്രില്‍ 6-നാണ്.

News Tag Live യുട്യൂബ് ചാനല്‍ Subscribe ചെയ്യുക