16
Dec 2024
Mon
ലൊസാഞ്ചലസ്: ഒരാഴ്ചയായി ഗൂഗിള് സെര്ച്ച് എന്ജിനില് കൂടുതലായി തിരയുന്ന പേരുകളിലൊന്നാണ് ഹവായി സ്വദേശിനിയായ ഫോട്ടോഗ്രാഫര് ഹന്ന കൊബയാഷി എന്ന 30 കാരിയുടെത്. ഒരുമാസമായി അപ്രത്യക്ഷമായ ഈ സുന്ദരി എവിടെയാണെന്ന് ഇതുവരെ കണ്ടെത്തിയിട്ടില്ല. ഇതോടെ ഹന്നയെക്കുറിച്ച് നിരവധി കിംവദന്തികളും ഗോസ്സിപ്പുകളുമാണ് മാധ്യമങ്ങളിലും സോഷ്യല്മീഡിയകളിലും നിറയുന്നത്.
 |
|
മെക്സിക്കോയിലേക്ക് പലായനം ചെയ്തതായാണ് ലൊസാഞ്ചലസ് പൊലീസ് പറയുന്നത്. നവംബര് 8ന് മൗയിയില് നിന്ന് ന്യൂയോര്ക്കിലേക്കുള്ള യാത്രയ്ക്കിടെ ലൊസാഞ്ചലസിലെ കണക്റ്റിങ് ഫ്ലൈറ്റ് നഷ്ടമായതിനെ തുടര്ന്നാണ് ഹന്ന കൊബയാഷി അപ്രത്യക്ഷമായത്. ലൊസാഞ്ചലസ് വിമാനത്താവളത്തില് നിന്ന് 145 മൈല് അകലെയുള്ള ടിജുവാനയ്ക്ക് സമീപത്തെ അതിര്ത്തിയില് നിന്നുള്ള CCTV ഫൂട്ടേജുകളില്നിന്ന് നവംബര് 12നും 13നും ഇടയില് കൊബയാഷി മെക്സിക്കോയിലേക്ക് കടന്നതായി കണ്ടെത്തിയിട്ടുണ്ട്.
അവസാന സമയങ്ങള്
അപ്രത്യക്ഷനാകും മുമ്പ് ഹന്ന ഒരു അജ്ഞാത പുരുഷനൊപ്പം രാത്രി മുഴുവനായി സ്പെന്റ് ചെയ്തതായും കണ്ടെത്തി. രാത്രി അയാളുടെ കൂടെ കഴിഞ്ഞ ശേഷം രാവിലെ ഹന്ന പോയി. തിരോധാനത്തിന് മുമ്പ് ഇങഅങനം സംഭവിച്ചത് വലിയ കുഴപ്പത്തിലാക്കുന്നു- ലെഫ്റ്റനന്റ് ഡഗ് ഓള്ഡ്ഫീല്ഡ് പറഞ്ഞു. അവളെ അവസാനമായി കണ്ട വ്യക്തി അവനായിരുന്നു. അതിനാല് മോശമായ ഒന്നും സംഭവിച്ചില്ലെന്ന് ഉറപ്പാക്കാന് ഞങ്ങള്ക്ക് കുറച്ച് ദിവസങ്ങള് ചെലവഴിക്കേണ്ടിവന്നു- ലെഫ്റ്റനന്റ് ഡഗ് ഓള്ഡ്ഫീല്ഡ് പറഞ്ഞു.
ഹന്ന കൊബയാഷി മനപ്പൂര്വ്വം വിമാനത്തില് കയറിയില്ലെന്നും ആധുനിക സാങ്കേതികവിദ്യകളില് നിന്ന് മാറിനില്ക്കാനുള്ള ആഗ്രഹം പ്രകടിപ്പിച്ചിരുന്നതായുമാണ് പൊലീസ് പറയുന്നത്. എന്നാല് മനുഷ്യക്കടത്തിനോ മറ്റ് ദുരുപയോഗത്തിനോ തെളിവുകളൊന്നുമില്ലെന്നുമാണ് പൊലീസ് പറയുന്നത്.
എന്നാല്, ഹന്ന കൊബയാഷി മനപ്പൂര്വ്വം വിമാനം കയറിയില്ലെന്ന പൊലിസ് വാദം കുടുംബം അംഗീകരിച്ചിട്ടില്ല. ഹന്ന കൊബയാഷി എന്തോ അപകടത്തില്പ്പെട്ടിരിക്കാമെന്നാണ് കുടുംബവും സുഹൃത്തുക്കളും ചൂണ്ടിക്കാട്ടുന്നത്. മകളെ അന്വേഷിച്ച് കണ്ടെത്താന് കഴിയാതിരുന്നതോടെ കഴിഞ്ഞമാസം 24ന് ഹന്നയുടെ പിതാവ് റയാന് ആത്മഹത്യ ചെയ്തതോടെ വിഷയം ചൂടുപിടിക്കുകയും ചെയ്തു.
ഇതോടെ അന്വേഷണത്തിന് വേഗം കൈവന്നെങ്കിലും എവിടെയും എത്തിയില്ല. അപ്രത്യക്ഷമാകും മുമ്പ് സുഹൃത്തുക്കള്ക്ക് അയച്ച സന്ദേശങ്ങളില് തനിക്ക് ‘ആത്മീയ ഉണര്വ്’ ലഭിച്ചതായി ഹന്ന അവകാശപ്പെട്ടിട്ടുണ്ട്. ഇതിനു പുറമെ തിരോധാനത്തിന് മുന്പ് മറ്റ് വിചിത്രമായ സന്ദേശങ്ങള് സുഹൃത്തുക്കള്ക്ക് അയച്ചിരുന്നതായും കുടുംബം വെളിപ്പെടുത്തി. ”ഹാക്കര്മാര് സ്വത്വം മോഷ്ടിച്ചു, എന്റെ എല്ലാ പണവും സമ്പാദ്യവും മോഷ്ടിച്ചു,’ എന്നിങ്ങനെയായിരുന്നു സന്ദേശങ്ങളുടെ ഉള്ളടക്കം. എന്നാല് ഇത്തരം സന്ദേശങ്ങള് ഹന്നയുടെ സ്വഭാവത്തിന് യോജിച്ചതല്ലെന്നും എന്തോ സംഭവിച്ചിട്ടുണ്ടെന്നും കുടുബവും സുഹൃത്തുക്കളും പറയുന്നു.
സംഭവങ്ങളുടെ ടൈംലൈന്
നവംബര് 8
ഹവായിയിലെ മൗയിയില് നിന്ന് ന്യൂയോര്ക്ക് സിറ്റിയിലേക്കുള്ള യാത്രാമധ്യേ ഹന്നാ കൊബയാഷി ലോസ് ഏഞ്ചല്സ് ഇന്റര്നാഷണല് എയര്പോര്ട്ടില് എത്തിച്ചേരുന്നു.
അവള് തന്റെ കണക്റ്റിംഗ് ഫ്ലൈറ്റ് നഷ്ടെപ്പടുകയും എയര്പോര്ട്ടില് ഉറങ്ങാന് ഉദ്ദേശിക്കുന്നതായി അവളുടെ കുടുംബത്തെ അറിയിക്കുകയും ചെയ്യുന്നു.
അവള് മറ്റൊരു വിമാനത്തിനായി കാത്തിരിക്കുകയാണെന്ന് കുടുംബം അനുമാനിക്കുന്നു
നവംബര് 9
താന് ലോസ് ഏഞ്ചല്സിലെ കാഴ്ചകള് കാണുന്നുണ്ടെന്നും ദി ഗ്രോവ് ഷോപ്പിംഗ് മാളും ഡൗണ്ടൗണ് ലോസ് ഏഞ്ചല്സും സന്ദര്ശിക്കാന് പദ്ധതിയുണ്ടെന്നും ഹന്ന തന്റെ കുടുംബത്തിന് സന്ദേശമയച്ചു.
ലോസ് ഏഞ്ചല്സിലെ ഒന്നിലധികം സ്ഥലങ്ങളില് നിരീക്ഷണ ദൃശ്യങ്ങള് അവളെ പിടികൂടുന്നു.
നവംബര് 11
ഹന്ന അവളുടെ ഫോണില് നിന്ന് കുടുംബത്തിന് ഭയപ്പെടുത്തുന്നതും നിഗൂഢവുമായ ടെക്സ്റ്റ് സന്ദേശങ്ങള് അയക്കുന്നു. ‘തടഞ്ഞുകിടക്കുന്നു’ എന്ന് പരാമര്ശിക്കുകയും സ്വത്വ മോഷണത്തിന് സാധ്യതയുള്ളതിനെക്കുറിച്ചുള്ള ആശങ്കകള് പ്രകടിപ്പിക്കുകയും ചെയ്യുന്നു.
നവംബര് 12
ഹന്ന തന്റെ ഫോണ് ഉപേക്ഷിച്ച് കാല്നടയായി മെക്സിക്കോയിലെ ടിജുവാനയിലേക്ക് കടക്കുന്നത് CCTV ദൃശ്യങ്ങളില് കാണിക്കുന്നു.
നവംബര് 18
ഹന്നയുടെ പിതാവ് റയാന് കൊബയാഷിയെ ലാക്സിനടുത്ത് ആത്മഹത്യ ചെയ്ത നിലയില് കണ്ടെത്തി.
Who is Hannah Kobayashi more know about the 30 yrs women Disappearance, cryptic messages, and a family’s desperate search
Latest News
More Stories
All Rights Reserved © 2022