15
Jul 2025
Sat
ബെയ്റൂത്ത്: നാല്പ്പത് വര്ഷങ്ങളോളം ഫ്രാന്സ് ജയിലില് കഴിഞ്ഞ ഫലസ്തീന് അനുകൂല ലെബനീസ് കമ്മ്യൂണിസ്റ്റ് നേതാവ് ജോര്ജ് ഇബ്രാഹിം അബ്ദുല്ലയ്ക്ക് ഒടുവില് മോചനം. 40 വര്ഷത്തെ ജയില്വാസത്തിന് ശേഷം വെള്ളിയാഴ്ചയാണ് ഫ്രഞ്ച് ജയിലില് നിന്ന് ജോര്ജ്ജ് ഇബ്രാഹിം അബ്ദുല്ല പുറത്തിറങ്ങിയത്. ഇസ്രയേലിന്റെയും അമേരിക്കയുടെയും രണ്ട് നയതന്ത്ര ഉദ്യോഗസ്ഥരെ കൊലപ്പെടുത്തിയെന്ന കേസില് 1984 മുതല് അദ്ദേഹം ജയിലില് കഴിയുകയായിരുന്നു. ഒരിക്കലും ഫ്രാന്സിലേക്ക് മടങ്ങില്ല എന്ന വ്യവസ്ഥയില് ഫ്രഞ്ച് അധികൃതര് ഇന്നലെ പുലര്ച്ചെയാണ് വിട്ടയച്ചത്.
 |
|
ഫ്രാന്സില് നിന്ന് മോചിതനായ പലസ്തീന് അനുകൂല ലെബനീസ് പോരാളിക്ക് ബെയ്റൂത്തില് വന് സ്വീകരണമാണ് ലഭിച്ചത്. ലെബനന് തലസ്ഥാനമായ ബെയ്റൂത്തില് കുടുംബാംഗങ്ങളും ജനങ്ങളും ഫലസ്തീന് പതാകകളും ലെബനീസ് കമ്മ്യൂണിസ്റ്റ് പാര്ട്ടി പാതകളും വീശിക്കൊണ്ട് അദ്ദേഹത്തെ സ്വീകരിച്ചു. ഫലസ്തീന്, ലെബനീസ് കമ്മ്യൂണിസ്റ്റ് പാര്ട്ടി പതാകകള് ഉയര്ത്തി ഡസന് കണക്കിന് അനുയായികള് സമീപത്ത് തടിച്ചുകൂടിയപ്പോള് കുടുംബാംഗങ്ങള് വിമാനത്താവളത്തിലെ വിഐപി ലോഞ്ചില് അദ്ദേഹത്തെ സ്വാഗതം ചെയ്തു.
പലരും അദ്ദേഹത്തെ ചെറുത്തുനില്പ്പിന്റെ പ്രതീകമായി പ്രശംസിച്ചതായി എഎഫ്പി വാര്ത്താ ഏജന്സി റിപ്പോര്ട്ട് ചെയ്തു. വെള്ളിയാഴ്ച പുലര്ച്ചെ 3:40 ന് തെക്കന് ഫ്രാന്സിലെ ലാനെമെസാന് ജയിലില് നിന്ന് മിന്നുന്ന ലൈറ്റുകളുള്ള ആറ് വാഹനങ്ങളുടെ ഒരു സംഘത്തെ കണ്ടതായി എഎഫ്പി വാര്ത്താ ഏജന്സിയിലെ മാധ്യമപ്രവര്ത്തകര് പറഞ്ഞു. 74 കാരനെ മോചിപ്പിച്ചതായും പിന്നീട് ലെബനനിലേക്കുള്ള വിമാനത്തില് കയറിയതായും അധികൃതര് സ്ഥിരീകരിച്ചു.
1987ല് യുണൈറ്റഡ് സ്റ്റേറ്റ്സ് മിലിട്ടറി അറ്റാഷെ ചാള്സ് റോബര്ട്ട് റേ, ഇസ്രായേല് നയതന്ത്രജ്ഞന് യാക്കോവ് ബാര്സിമന്റോവ് എന്നിവരെ പാരീസില് കൊലപ്പെടുത്തിയ കേസില് ശിക്ഷിക്കപ്പെട്ട അബ്ദുല്ലയ്ക്ക് ഏറെക്കാലമായി മോചനം ലഭിക്കാന് അര്ഹതയുണ്ടായിരുന്നു. എന്നിരുന്നാലും, അബ്ദുല്ലയുടെ കേസില് ഒരു സിവില് പാര്ട്ടിയായിരുന്ന യുഎസില് നിന്നുള്ള സമ്മര്ദ്ദം കാരണം ആവര്ത്തിച്ചുള്ള അദ്ദേഹത്തിന്റെ അപേക്ഷകള് നിരസിക്കപ്പെട്ടു. ഫ്രാന്സില് ജീവപര്യന്തം തടവ് അനുഭവിക്കുന്ന തടവുകാരെ സാധാരണയായി 30 വര്ഷത്തില് താഴെ തടവിന് ശേഷം മോചിപ്പിക്കാറുണ്ട്. എന്നാല് ജോര്ജ് അബ്ദുല്ലയുടെ കേസില് പലപ്പോഴും മോചനം നിരസിക്കപ്പെട്ടു. അബ്ദുല്ലയുടെ തിരിച്ചുവരവ് ഒരു രാഷ്ട്രീയ തടവുകാരന് ഉള്പ്പെട്ട ഫ്രാന്സിലെ ഏറ്റവും ദൈര്ഘ്യമേറിയ തടങ്കലുകളുടെ അവസാനത്തെ അടയാളപ്പെടുത്തുന്നു.
കഴിഞ്ഞമാസം, പാരീസ് അപ്പീല് കോടതി അബ്ദുല്ല ഫ്രഞ്ച് പ്രദേശം വിട്ട് ഒരിക്കലും മടങ്ങിവരില്ലെന്ന വ്യവസ്ഥയില് വെള്ളിയാഴ്ച മുതല് പ്രാബല്യത്തില് വരുന്ന അദ്ദേഹത്തിന്റെ മോചനത്തിന് അനുകൂലമായി വിധിക്കുകയായിരുന്നു.
അബ്ദുല്ല ഒരിക്കലും തന്റെ പ്രവര്ത്തനങ്ങളില് ഖേദം പ്രകടിപ്പിച്ചിട്ടില്ല. താന് ഫലസ്തീനികളുടെ അവകാശങ്ങള്ക്കായി പോരാടിയ ഒരു ‘പോരാളിയാണ്’ എന്നും ഒരു ‘കുറ്റവാളിയല്ല’ എന്നും എല്ലായ്പ്പോഴും വാദിച്ചിട്ടുണ്ട്.
A pro-Palestinian Lebanese fighter jailed since 1984, Georges Ibrahim Abdallah, has returned to Beirut after spending more than four decades in a French prison for his involvement in the killings of two diplomat
Latest News
More Stories
All Rights Reserved © 2022