05
Jun 2026
Thu
Cristiano Ronaldo’s Horror Show ബോസ്റ്റണ്: ലോകകപ്പിലെ തങ്ങളുടെ ആദ്യ മത്സരത്തില് ഡിആര് കോംഗോയോട് സമനില വഴങ്ങി കരുത്തരായ പോര്ച്ചുഗല്. ഗ്രൂപ്പ് കെയില് നടന്ന ആവേശകരമായ പോരാട്ടത്തില് ഇരുടീമുകളും ഓരോ ഗോള് വീതം നേടി പിരിഞ്ഞു. പോര്ച്ചുഗലിനായി ജാവോ നെവെസ് ലക്ഷ്യം കണ്ടപ്പോള് യോവാനെ വിസ്സയിലൂടെയാണ് കോംഗോ സമനില പിടിച്ചെടുത്തത്.
 |
|
മത്സരത്തിലുടനീളം ഫോം കണ്ടെത്താനാകാതെ ഉലഞ്ഞ സൂപ്പര് താരം ക്രിസ്റ്റ്യാനോ റൊണാള്ഡോയുടെ മങ്ങിയ പ്രകടനമാണ് പോര്ച്ചുഗലിന് തിരിച്ചടിയായത്. മത്സരത്തില് വെറും 25 തവണ മാത്രമാണ് റൊണാള്ഡോയ്ക്ക് പന്ത് തൊടാനായത്. ലക്ഷ്യത്തിലേക്ക് മൂന്ന് ഷോട്ടുകള് ഉതിര്ത്തുവെങ്കിലും ഒന്നുപോലും കോംഗോ ഗോള്കീപ്പറെ പരീക്ഷിക്കുന്നതായിരുന്നില്ല. റൊണാള്ഡോയുടെ ലോകകപ്പ് കരിയറിലെ തന്നെ ഏറ്റവും മോശം പ്രകടനങ്ങളിലൊന്നാണിത്. ഇതോടെ പ്രമുഖ അന്താരാഷ്ട്ര ടൂര്ണമെന്റുകളില് തുടര്ച്ചയായ 10 മത്സരങ്ങളില് റൊണാള്ഡോയ്ക്ക് ഗോള് നേടാനായിട്ടില്ലെന്ന നിരാശാജനകമായ റെക്കോര്ഡും താരത്തെ പിന്തുടരുകയാണ്.
ALSO READ: അള്ജീരിയക്കെതിരായ മത്സരത്തിനിടെ ലയണല് മെസ്സി പൊട്ടിക്കരഞ്ഞു; കാരണം ഫുട്ബോളല്ല!
മത്സരത്തിന്റെ ആറാം മിനിറ്റില് തന്നെ പെഡ്രോ നെറ്റോയുടെ മനോഹരമായ ക്രോസില് നിന്നും ഹെഡ്ഡറിലൂടെ ഗോള് നേടി ജാവോ നെവെസ് പോര്ച്ചുഗലിന് സ്വപ്നതുല്യമായ തുടക്കമാണ് നല്കിയത്. എന്നാല് ഈ ആധിപത്യം തുടരാന് പോര്ച്ചുഗലിനായില്ല. മന്ദഗതിയിലുള്ള പാസുകളിലൂടെ കളി നിയന്ത്രിക്കാന് ശ്രമിച്ച പോര്ച്ചുഗലിനെതിരെ കൗണ്ടര് അറ്റാക്കുകളിലൂടെ കോംഗോ നിരന്തരം ഭീഷണി ഉയര്ത്തി.
ഒന്നാം പകുതിയുടെ ഇഞ്ചുറി ടൈമില് ആര്തര് മസുവാക്കു നല്കിയ ക്രോസ് കൃത്യമായി വലയിലെത്തിച്ച് വിസ്സ കോംഗോയ്ക്ക് അര്ഹിച്ച സമനില സമ്മാനിച്ചു. രണ്ടാം പകുതിയില് ജാവോ കാന്സെലോയിലൂടെ പോര്ച്ചുഗല് വീണ്ടും വലകുലുക്കിയെങ്കിലും റഫറി അത് ഓഫ്സൈഡ് വിധിച്ചു. തുടര്ന്ന് സെഡ്രിക് ബകാമ്പുവിന്റെ ഒരു ഷോട്ട് പോസ്റ്റില് തട്ടി തെറിച്ചതോടെ പോര്ച്ചുഗല് പരാജയത്തില് നിന്നും കഷ്ടിച്ചാണ് രക്ഷപെട്ടത്.
ALSO READ: ജര്മന് ടീമിന്റെ ക്യാമ്പില് ഉഗ്ര വിഷമുള്ള പാമ്പ്; ആശങ്കയോടെ കളിക്കാര്
മത്സരത്തിന്റെ അവസാന ഘട്ടത്തില് ഫ്രാന്സിസ്കോ കോണ്സീസാവോ പകരക്കാരനായി ഇറങ്ങി റൊണാള്ഡോയ്ക്കായി ചില അവസരങ്ങള് സൃഷ്ടിച്ചെങ്കിലും ഫിനിഷിംഗിലെ പോരായ്മകള് മൂലം പോര്ച്ചുഗലിന് വിജയം സ്വന്തമാക്കാനായില്ല. 1974-ന് ശേഷം ആദ്യമായി ലോകകപ്പ് കളിക്കാനെത്തിയ ഡിആര് കോംഗോ കരുത്തരായ പോര്ച്ചുഗലിനെ സമനിലയില് തളച്ച് ചരിത്രപരമായ ഒരു പോയിന്റോടെയാണ് കളം വിട്ടത്.
Cristiano Ronaldo’s Horror Show As Portugal Drop Points Against DR Congo
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026