04
Jul 2026
Sat
വധശ്രമക്കേസില് തിരുവനന്തപുരം കോര്പറേഷനിലെ ബിജെപി കൗണ്സിലറും നിരവധി കേസുകളിലെ പ്രതിയുമായ സുഗതന്റെ ജാമ്യാപേക്ഷ തള്ളി നെടുമങ്ങാട് മജിസ്ട്രേറ്റ് കോടതി. വീട്ടില് കയറി അറസ്റ്റ് ചെയ്യാന് ശ്രമിച്ച പോലീസിനെ ആക്രമിച്ച കേസിലും ഇയാള്ക്കു ജാമ്യമില്ല.
 |
|
വട്ടിയൂര്ക്കാവിനടുത്തുള്ള ക്ഷേത്ര ഉത്സവത്തിനിടെയുണ്ടായ സംഘര്ഷത്തില് ഒരാളെ കൊല്ലാന് ശ്രമിച്ച കേസിലെ പ്രതിയാണ് വാഴോട്ടുകോണം കൗണ്സിലര് ആയ സുഗതന്. ഈ കേസില് ഹൈക്കോടതി സുഗതന് ജാമ്യം അനുവദിച്ചിരുന്നില്ല. തുടര്ന്ന് ഇയാള് വട്ടിയൂര്ക്കാവ് എസ്എച്ച്ഒയ്ക്കു മുന്നില് കീഴടങ്ങേണ്ടതായിരുന്നു. എന്നാല്, സുഗതന് ഹാജരായില്ല.
തുടര്ന്ന് വട്ടിയൂര്ക്കാവിലുള്ള വീട് വളഞ്ഞാണ് സുഗതനെ പോലീസ് കസ്റ്റഡിയിലെടുത്തത്. ബിജെപി, ആര്എസ്എസ് പ്രവര്ത്തകര് കൂട്ടത്തോടെ ഇവിടേക്ക് വന്നതോടെ ആകാശത്തേക്ക് വെടിയുതിര്ത്താണ് പോലീസ് സുഗതനെ കസ്റ്റഡിയിലെടുതതത്. ഇതിനിടെ സുഗതന് പോലീസിനെ ആക്രമിക്കാനും ശ്രമിച്ചിരുന്നു. ഈ കേസിലും സുഗതന് കോടതി ജാമ്യം നല്കിയില്ല. വട്ടിയൂര്ക്കാവ് പോലീസിന്റെ റൗഡി ലിസ്റ്റില് ഉള്പ്പെട്ടയാളാണ് ആര് സുഗതന്.
Latest News
More Stories
