നൗഷാദിനെ കൊന്നെന്ന് പറഞ്ഞത് മര്‍ദ്ദിച്ചതിനാല്‍; പൊലീസിനെതിരേ അഫ്‌സാന

പ​ത്ത​നം​തി​ട്ട: ഭർത്താവിനെ ഭാര്യ കൊന്നുകുഴിച്ചുമൂടിയെന്ന ഞെട്ടിക്കുന്ന വാർത്ത പുറത്തുവന്ന് മണിക്കൂറുകൾക്കകം കൊല്ലപ്പെട്ടുവെന്ന പറഞ്ഞയാളെ ജീവനോടെ കണ്ടെത്തിയ ട്വിസ്റ്റ് കേരളത്തിലുണ്ടായത് കഴിഞ്ഞദിവസമാണ്. ഭർത്താവായ നൗഷാദിനെ കൊന്ന് കുഴിച്ചുമൂടിയ കുറ്റത്തിന് പിടിയിലായ ഭാര്യ അഫ്സാന ഇപ്പോൾ പൊലീസ് മർദ്ദനമാരോപിച്ച് രം​ഗത്തെത്തി. വ്യാജമൊഴി നൽകി പൊലീസിനെ തെറ്റിദ്ധരിപ്പിച്ചെന്ന കേസിൽ ജാമ്യത്തിലിറങ്ങിയ ശേഷമാണ് യുവതി പൊലീസിനെതിരേ ആരോപണമുന്നയിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കൂ​ട​ലി​ൽ നി​ന്ന് കാ​ണാ​താ​യ നൗ​ഷാ​ദി​നെ താ​ൻ കൊ​ന്നെ​ന്ന് മൊ​ഴി ന​ൽ​കാ​ൻ പൊ​ലീ​സ് നിർബന്ധിച്ചെ​ന്നും ഇ​തി​നു​വേ​ണ്ടി ക്രൂ​ര​മാ​യി മ​ർ​ദി​ച്ചെ​ന്നും അ​ഫ്സാ​ന ആരോപിച്ചു. ക​സ്റ്റ​ഡി​യി​ലി​രി​ക്കെ വ​നി​താ പൊ​ലീ​സ് ഉ​ൾ​പ്പെ​ടെ മ​ർ​ദി​ച്ചെ​ന്നും ശ​രീ​ര​ത്തി​ൽ പ​ല​ത​വ​ണ പെ​പ്പ​ർ സ്പ്രേ ​അ​ടി​ച്ചെ​ന്നും അ​ഫ്സാ​ന ആ​രോ​പി​ച്ചു. മ​ർ​ദ്ദ​നം സ​ഹി​ക്കാ​നാവാതെ വ​ന്ന​പ്പോ​ഴാ​ണ് ഭ​ർ​ത്താ​വി​നെ കൊ​ന്നെ​ന്ന് സ​മ്മ​തി​ച്ച​ത്. നൗ​ഷാ​ദി​ന് മാ​ന​സി​ക വൈ​ക​ല്യ​മു​ണ്ടെ​ന്നും മ​ദ്യ​പാ​നി​യാ​യ അ​യാ​ൾ ത​ന്നെ​യും മ​ക്ക​ളെ​യും സ്ഥി​ര​മാ​യി ഉ​പ​ദ്ര​വി​ച്ചി​രു​ന്നെ​ന്നും അ​ഫ്സാ​ന ആ​രോ​പി​ച്ചു.

ക​ല​ഞ്ഞൂ​ർ പാ​ടം വ​ണ്ട​ണി പ​ടി​ഞ്ഞാ​റ്റേ​തി​ൽ നൗ​ഷാ​ദി​നെ കാണാതായെന്ന പിതാവിന്റെ പരാതിയിലാണ് പൊലീസ് അഫ്സാനയെ കസ്റ്റഡിയിലെടുത്തത്. 2021 ന​വം​ബ​റി​ലായിരുന്നു നൗഷാദിനെ കാ​ണാ​താ​യ​ത്. നൗ​ഷാ​ദി​ൻറെ മൃ​ത​ദേ​ഹം തേ​ടി വ്യാ​ഴാ​ഴ്ച പൊ​ലീ​സ് ഇ​വ​ർ താ​മ​സി​ച്ചി​രു​ന്ന അ​ടൂ​ർ പ​രു​ത്തി​പ്പാ​റ​യി​ലെ വാടക വീടിന്റെ പ​രി​സ​ര​ങ്ങ​ളി​ലും കുഴിച്ചുപരിശോധന ന​ട​ത്തി​യി​രു​ന്നു.

ഇതിനിടെയാണ് തൊ​ടു​പു​ഴ​യ്ക്കു സമീപം കൂലിപ്പണി ചെയ്തുവന്നിരുന്ന നൗഷാദിനെ വെ​ള്ളി​യാ​ഴ്ച കണ്ടെത്തിയത്. നൗ​ഷാ​ദി​നെ പ​ത്ത​നം​തി​ട്ട കോ​ട​തി​യിൽ ഹാജരാക്കിയ ശേഷം കൂ​ട​ൽ പൊ​ലീ​സ് സ്റ്റേ​ഷ​നി​ലെ​ത്തി​ച്ച​ശേ​ഷം മാ​താ​പി​താ​ക്ക​ൾ​ക്കൊ​പ്പം വിട്ടയയച്ചിരുന്നു. ഭാ​ര്യ​യും സു​ഹൃ​ത്തു​ക്ക​ളും ചേ​ർ​ന്ന് ത​ന്നെ മ​ർദ്ദിച്ചെന്നും ബോധരഹിതനായതോടെ മരിച്ചെന്നു കരുതി അവർ പോയെന്നും പിറ്റേദിവസം താ​ൻ നാ​ടു​വി​ടുകയായിരുന്നുവെന്നുമാണ് നൗ​ഷാ​ദ് പൊ​ലീ​സി​ന് മൊഴി നൽകിയിരുന്നത്.

News Tag Live യുട്യൂബ് ചാനല്‍ Subscribe ചെയ്യുക