30
Jul 2023
Sun
ആലുവയില് കൊല്ലപ്പെട്ട അഞ്ചുവയസുകാരിയുടെ മൃതദേഹം പൊതുദര്ശനത്തിനെത്തിച്ചു, അന്ത്യാഞ്ജലി അര്പ്പിക്കാന് കൂട്ടുകാര്; സംസ്കാരം 10 മണിക്ക്
 |
|
കൊച്ചി: ആലുവയില് ക്രൂര പീഡനത്തിന് ഇരയായി കൊല്ലപ്പെട്ട അഞ്ചു വയസുകാരിയുടെ മൃതദേഹം ഇന്ന് സംസ്കരിക്കും. മൃതദേഹം കുട്ടി പഠിച്ച തായിക്കാട്ടുകര സ്കൂളില് പൊതുദര്ശനത്തിനെത്തിച്ചു. കുട്ടി 9.30 വരെയാണ് പൊതുദര്ശനം. ശേഷം 10 മണിയോടെ കീഴ്മാട് ശ്മശാനത്തില് മൃതദേഹം സംസ്കരിക്കും.ആദരാഞ്ജലികളര്പ്പിക്കാന് പ്രമുഖരടക്കം സ്കൂളിലേക്കെത്തുന്നുണ്ട്. സ്കൂളില് മാത്രമാണ് പൊതുദര്ശനമുള്ളത്.
അതേസമയം കുട്ടിയെ കൊലപ്പെടുത്തിയത് വെള്ളിയാഴ്ച വൈകിട്ട് 5.30ന് ആണെന്ന് പ്രതി അസഫാക് മൊഴി നല്കി. പ്രതിയെ ഇന്ന് മജിസ്ട്രേറ്റിന്റെ വീട്ടില് ഹാജരാക്കും. കേസിലെ പ്രതി അസ്ഫാകിനെ ഇന്ന് മജിസ്ട്രേറ്റിന് മുന്നില് ഹാജരാക്കും. പ്രതി കുറ്റം സമതിച്ചെങ്കിലും കൃത്യത്തില് കൂടുതല് പ്രതികളുണ്ടോ എന്ന സംശയം പൊലീസിനുണ്ട്. കൃത്യം നടത്താന് പ്രതിക്ക് ആരുടെയെങ്കിലും സഹായം ലഭിച്ചോ എന്നും പൊലീസ് പരിശോധിക്കുന്നുണ്ട്.
അഞ്ചുവയസ്സുകാരിയെ പീഡനത്തിന് ശേഷം കഴുത്തു ഞെരിച്ച് കൊലപ്പെടുത്തിയെന്ന് പോസ്റ്റുമോര്ട്ടം പ്രാഥമിക റിപ്പോര്ട്ട്. പെണ്കുട്ടി അതിക്രൂരമായ ലൈംഗിക പീഡനത്തിന് ഇരയായെന്നും പോസ്റ്റുമോര്ട്ടം റിപ്പോര്ട്ടില് പറയുന്നു. കുട്ടിയുടെ സ്വകാര്യ ഭാഗത്തിലടക്കം മുറിവുണ്ട്. തലയില് കല്ലുകൊണ്ട് ഇടിച്ചതിന്റെ മുറിവുണ്ട്. കഴുത്തു മുറുക്കിയാണ് കൊലപാതകം നടത്തിയത്. കുട്ടിയുടെ വസ്ത്രം ഉപയോഗിച്ചാണ് കഴുത്തു മുറുക്കിയത്.
കുട്ടിയുടെ ദേഹം ആസകലം മുറിവുണ്ടന്നും പോസ്റ്റുമോര്ട്ടം നടത്തിയ ഡോക്ടര് പൊലീസിന് നല്കിയ പ്രാഥമിക റിപ്പോര്ട്ടിലുണ്ട്. വിശദമായ പോസ്റ്റ്മോര്ട്ടം റിപ്പോര്ട്ട് പിന്നീട് നല്കും.
ഒന്നര വര്ഷം മുന്പാണ് അസ്ഫക് ആലം കേരളത്തില് എത്തിയത്. ഇയാള് വിവിധ സ്ഥലങ്ങളില് നിര്മാണ ജോലികള് ചെയ്തിട്ടുണ്ട്. കൂടാതെ മൊബൈല് മോഷണ കേസിലും ഇയാള് മുന്പ് പ്രതി ആയിട്ടുണ്ട്. പ്രതി അസ്ഫാഖ് ആലം തനിച്ചാണ് കൊലപാതകം നടത്തിയത് എന്ന് ആലുവ റൂറല് എസ്പി വിവേക് കുമാര് പറഞ്ഞു. വെള്ളിയാഴ്ച വൈകിട്ട് 3 മണിയോടെയാണ് ജ്യൂസ് വാങ്ങിക്കൊടുത്ത് അസഫാക് ആലം കുഞ്ഞിനെ തട്ടിക്കൊണ്ടുപോയത്.
Latest News
More Stories
All Rights Reserved © 2022